ମାଲ୍ଟା,୧୬।୯: ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଦୁର୍ଘଟଣାଗ୍ରସ୍ତ ହୋଇଥିବା ଆମେରିକୀୟ ଯୁଦ୍ଧ ବିମାନ ଏବଂ ଆମେରିକା ବାୟୁସେନାର ଅବଶିଷ୍ଟାଂଶ ୟୁରୋପୀୟ ଦେଶ ମାଲ୍ଟାରେ ମିଳିଛି। ୮୦ ବର୍ଷ ପରେ ଭୂମଧ୍ୟସାଗରରେ ଏହି ଅବଶିଷ୍ଟାଂଶ ମିଳିଛି। ଏହି ଦୁର୍ଘଟଣାରେ ସମ୍ପୃକ୍ତ ପାଇଲଟ ୧୯୪୩ ପରଠାରୁ ନିଖୋଜ ଘୋଷିତ ହୋଇଥିଲେ।
ମାଲ୍ଟାର ୱେବସାଇଟ ଟାଇମ୍ସ ଅଫ ମାଲ୍ଟା ରିପୋର୍ଟ କରିଛି ଯେ, ଏହାକୁ ଖୋଜିବା ପାଇଁ ମାଲ୍ଟା ବିଶ୍ୱବିଦ୍ୟାଳୟର ପ୍ରତ୍ନତତ୍ତ୍ୱ ବିଭାଗର ପ୍ରଫେସର ଟିମି ଗାମ୍ବିନଙ୍କ ନେତୃତ୍ୱରେ ଏକ ଟିମ ଗଠନ କରାଯାଇଥିଲା। ଏହି ଦଳ ୨୦୧୮ରେ ଅବଶିଷ୍ଟାଂଶ ଖୋଜିବା ପାଇଁ କାର୍ଯ୍ୟ ଆରମ୍ଭ କରିଥିଲେ।
ଟାଇମ୍ସ ଅଫ ମାଲ୍ଟା ଅନୁଯାୟୀ ଆମେରିକାର ବାୟୁସେନା ସାର୍ଗିଟ ଇରାଭିଙ୍ଗ୍ ଆର ନ୍ୟୁମ୍ୟାନ ଏହି ଦୁର୍ଘଟଣାର ଶିକାର ହୋଇଥିଲେ। ତାଙ୍କର ବି -୨୪ ଲିବରେଟର ଯୁଦ୍ଧ ବିମାନ ବେଙ୍ଗଜସା ପଏଣ୍ଟ ନିକଟରେ ସମୁଦ୍ରରେ ପଡ଼ିଯାଇଥିଲା। ସେ ଯୁଦ୍ଧ ବିମାନରେ ଏକୁଟିଆ ଥିଲେ ଏବଂ ତାଙ୍କୁ ଉଦ୍ଧାର କରାଯାଇନଥିଲା। ସେବେଠାରୁ ତାଙ୍କୁ ନିଖୋଜ ଘୋଷଣା କରାଯାଇଥିଲା।