ଦୁନିଆରେ ଏପରି ଅନେକ ଲୋକ ଅଛନ୍ତି ଯେଉଁମାନେ ବିଳାସପୂର୍ଣ୍ଣ ଜୀବନ ଅତିବାହିତ କରିବାକୁ ଭଲ ପାଆନ୍ତି। ଏଥିପାଇଁ କିଛି କଠିନ ପରିଶ୍ରମ କରୁଥିବା ବେଳେ କିଛି ଜନ୍ମରୁ ଆଭିଜାତ୍ୟର ସହ ବଢ଼ିଥାନ୍ତି। ସେଭଳି ଜଣେ ହେଲେ ଏହି ବାଳକ। ତାଙ୍କୁ ମାତ୍ର ୯ ବର୍ଷ ହୋଇଥିଲେ ହେଁ ସେ କୋଟିପତି। ତାଙ୍କର ଜୀବନଶୈଳୀ ଦେଖିଲେ ବଡ ସମ୍ଭ୍ରାନ୍ତମାନେ ଆଶ୍ଚର୍ଯ୍ୟ ହୋଇଯାଆନ୍ତି।
ବାଳକଜଣଙ୍କ ହେଉଛନ୍ତି ମହମ୍ମଦ ଆୱାଲ ମୁସ୍ତଫା ଓରଫ ମୋମ୍ଫା ଜୁନିୟର। ସମ୍ଭ୍ରାନ୍ତ ଜୀବନଶୈଳୀ ଯୋଗୁ ତାଙ୍କୁ ଦୁନିଆର ସବୁଠାରୁ କମ୍ ବୟସର କୋଟିପତି ବୋଲି କୁହାଯାଏ। ଯେତେବେଳେ ମୁସ୍ତାଫାଙ୍କୁ ଛଅ ବର୍ଷ ହୋଇଥିଲା, ସେ ଏକ ବିଳାସପୂର୍ଣ୍ଣ ବଙ୍ଗଳାର ମାଲିକ ହୋଇଥିଲେ। ଆୱାଲ ମୁସ୍ତାଫାଙ୍କର ନିଜର ବ୍ୟକ୍ତିଗତ ଜେଟ୍ ଅଛି। ଏହାଛଡ଼ା ଅନେକ ଦାମୀ କାର୍ ମଧ୍ୟ ରହିଛି।
ଛୋଟ ବୟସରେ ବି ସେ ସୋସିଆଲ ମିଡିଆରେ ବହୁତ ସକ୍ରିୟ। ନାଇଜେରିଆର ଲାଗୋସରେ ରହୁଥିବା ମୋମ୍ଫା ଜୁନିୟର ସେଠାକାର ଇଣ୍ଟରନେଟ୍ ସେଲିବ୍ରିଟି ଇସମାଇଲିଆ ମୁସ୍ତାଫା ମହମ୍ମଦ ଆୱାଲ ମୁସ୍ତାଫାଙ୍କ ପୁଅ। ମୋମ୍ଫା କେବଳ ଡିଜାଇନର୍ ପୋଷାକ ପିନ୍ଧନ୍ତି। ଏହି ସବୁ ଉପହାର ତାଙ୍କ ପିତା ଦେଇଛନ୍ତି। ତାଙ୍କର ରହଣି ଦେଖି ବଡ ବଡ଼ କୋଟିପତି ଆଶ୍ଚର୍ଯ୍ୟ ହୋଇଯାଆନ୍ତି। କାରଣ ବହୁତ କମ୍ ଲୋକ ଏତେ କମ ବୟସରେ ଏପରି ଜୀବନ ଜିଇଁଥାନ୍ତି।
View this post on Instagram
