କାଲିଫର୍ନିଆ,୩୦।୧: ଟେସଲା ତଥା ଏକ୍ସ ମାଲିକ ଏଲନ ମସ୍କ ପୁଣି ଥରେ ଚର୍ଚ୍ଚାରେ ଅଛନ୍ତି। ତାଙ୍କର ଷ୍ଟାର୍ଟଅପ ‘ନ୍ୟୁରାଲିଙ୍କ’ ଦ୍ୱାରା ପ୍ରଥମଥର ପାଇଁ ମଣିଷ ମୁଣ୍ଡରେ ବ୍ରେନ୍ ଚିପ୍ ଲଗାଯାଇଛି। ମଙ୍ଗଳବାର ମସ୍କ ଏହି ସୂଚନା ଦେଇଛନ୍ତି।
ଏକ୍ସରେ ସେ କହିଛନ୍ତି, ତାଙ୍କର ‘ନ୍ୟୁରାଲିଙ୍କ’ ଷ୍ଟାର୍ଟଅପ ପ୍ରଥମଥର ମଣିଷ ମୁଣ୍ଡରେ ବ୍ରେନ୍ ଚିପ୍ ପ୍ରତିରୋପଣ କରିଥିଲା। ଏହାର ପ୍ରାରମ୍ଭିକ ଫଳାଫଳ ଆଶାବାଦୀ ଅଟେ।
୨୦୧୬ରେ ମସ୍କଙ୍କ ଦ୍ୱାରା ମିଳିତ ନ୍ୟୁରୋଟେକ୍ନୋଲୋଜି କମ୍ପାନୀ ମସ୍ତିଷ୍କ ଏବଂ କମ୍ପ୍ୟୁଟର ମଧ୍ୟରେ ସିଧାସଳଖ ଯୋଗାଯୋଗ ଚ୍ୟାନେଲ ସୃଷ୍ଟି କରିବାକୁ ଲକ୍ଷ୍ୟ ରଖିଛି। ନ୍ୟୁରାଲିଙ୍କ ଟେକ୍ନୋଲୋଜି ମୁଖ୍ୟତଃ ‘ଲିଙ୍କ’ନାମକ ଏକ ପ୍ରତିରୋପଣ ମାଧ୍ୟମରେ କାର୍ଯ୍ୟ କରିବ। ପାଞ୍ଚଟି ମୁଦ୍ରାର ଆକାର ବିଶିଷ୍ଟ ଏକ ଉପକରଣ ଯାହା ଅସ୍ତ୍ରୋପଚାର ମାଧ୍ୟମରେ ମାନବ ମସ୍ତିଷ୍କ ଭିତରେ ଭର୍ତ୍ତି ହେବ।
ଗତ ବର୍ଷ କମ୍ପାନୀ ଦ୍ୱାରା ଜାରି କରାଯାଇଥିବା ଏକ ବିବୃତ୍ତିରେ ଏହା ଜଣାଯାଇଛି ଯେ, ଲୋକଙ୍କ ମଧ୍ୟରେ ମସ୍ତିଷ୍କ ପ୍ରତିରୋପଣ ପରୀକ୍ଷା କରିବା ପାଇଁ ଏହା ଆମେରିକୀୟ ନିୟାମକଙ୍କଠାରୁ ଅନୁମୋଦନ ଲାଭ କରିଛି। ଆମେରିକାର ଫୁଡ୍ ଏବଂ ଡ୍ରଗ ଆଡମିନିଷ୍ଟ୍ରେଶନ(ଏଫ୍ଡିଏ) ଏହାକୁ ମାନବ କ୍ଲିନିକାଲ ପରୀକ୍ଷା ପାଇଁ ସବୁଜ ସଙ୍କେତ ଦେଇଥିଲା।
The first human received an implant from @Neuralink yesterday and is recovering well.
Initial results show promising neuron spike detection.
— Elon Musk (@elonmusk) January 29, 2024
