ନୂଆଦିଲ୍ଲୀ,୩।୭: ଦେଶର ପ୍ରସିଦ୍ଧ ବାଇକ ନିର୍ମାତା ବଜାଜ ଅଟୋ ଖୁବ ଶୀଘ୍ର ଦେଶରେ ପ୍ରଥମ ସିଏନ୍ଜି ବାଇକ ଲଞ୍ଚ କରିବାକୁ ଯାଉଛି। ଏହି ବାଇକ ୧୨୫ ସିସି ଇଞ୍ଜିନ ସହିତ ଲଞ୍ଚ ହେବ। ଏହା ଦୁନିଆର ପ୍ରଥମ ସିଏନ୍ଜି ବାଇକ ହେବାକୁ ଯାଉଛି। ବଜାଜ ଏହି ବାଇକକୁ ୫ ଜୁଲାଇ ୨୦୨୪ରେ ବଜାରରେ ଲଞ୍ଚ କରିବ।
ଏହା ବ୍ୟତୀତ ଏହି ବାଇକ୍ରେ ଅନେକ ଜବରଦସ୍ତ ଫିଚର୍ସ ଦିଆଯାଇଛି। ଟିଜରରେ ଦର୍ଶାଯାଇଛି ଯେ, ବାଇକର ହ୍ୟାଣ୍ଡେଲବାରରେ ଏକ ସୁଇଚ ଅଛି ଯାହା ପେଟ୍ରୋଲ ଏବଂ ସିଏନ୍ଜି ମୋଡ ପାଇଁ ବ୍ୟବହୃତ ହୁଏ।
ସିଏନ୍ଜି ବାଇକ୍ର ବିଶେଷତ୍ତ୍ୱ କ’ଣ?
ବଜାଜର ନୂତନ ସିଏନଜି ବାଇକକୁ ୧୨୫ ସିସି ଇଞ୍ଜିନ ଯୋଗାଇ ଦିଆଯିବ। ଆହୁରି ମଧ୍ୟ, ଏହି ବାଇକ ଏକ ଆଡଭେନ୍ଚର୍ ଲୁକ ସହିତ ଲଞ୍ଚ ହେବ, ଯାହା ମୁଖ୍ୟତଃ ଯୁବକମାନଙ୍କୁ ପସନ୍ଦ ଆସିବ। ଏହି ବାଇକ୍ରେ ଏକ ୫ ଲିଟର ଇନ୍ଧନ ଟ୍ୟାଙ୍କ ମଧ୍ୟ ଯୋଗାଇ ଦିଆଯିବ। ସିଏନ୍ଜି ଟାଙ୍କି ସିଟ ତଳେ ଫିଟ ହେବ। ଏହି ବାଇକ ୧୨୫ ସିସି ବାଇକକୁ କଡା ପ୍ରତିଯୋଗିତା ଦେବାରେ ସକ୍ଷମ ହେବ।
ବଜାଜ ଅଟୋ ଏହି ବାଇକ୍ର ମୂଲ୍ୟ ବିଷୟରେ କୌଣସି ସୂଚନା ଏପର୍ଯ୍ୟନ୍ତ ଶେୟାର କରିନାହିଁ। କିନ୍ତୁ ଅନୁମାନ କରାଯାଉଛି ଯେ, କମ୍ପାନୀ ଏହି ବାଇକକୁ ୧.୫ ଲକ୍ଷ ଟଙ୍କା ପର୍ଯ୍ୟନ୍ତ ବଜାରରେ ଲଞ୍ଚ କରାଯିବ। ବଜାରରେ ଲଞ୍ଚ ହେବା ପରେ ଏହି ବାଇକ ଟିଭିଏସ ସ୍ପୋର୍ଟସ ଏବଂ ହୋଣ୍ଡା ସାଇନ ଭଳି ବାଇକ ପାଇଁ କଡ଼ା ଟକ୍କର ଦେଇପାରେ।
Witness the World’s First CNG Motorcycle on 5th July 2024
Register here: https://t.co/G5qXnRcxei pic.twitter.com/1Em2bqoYAG
— Bajaj Auto Ltd (@_bajaj_auto_ltd) June 29, 2024
