ପରୋପକାର ପରମଧର୍ମ। ଅର୍ଥାତ୍ ଅନ୍ୟର ହିତ ପାଇଁ ଦାନ ହେଉଛି ସବୁଠାରୁ ବଡ଼ ଧର୍ମ। ଦୁନିଆରେ ଅନେକ ଲୋକ ରହିଛନ୍ତି ଯେଉଁମାନେ କୋଟି କୋଟି ଟଙ୍କା ରୋଜଗାର କରୁଛନ୍ତି। ମାତ୍ର ଖୁବ୍ କମ୍ ଲୋକ ଅଛନ୍ତି, ଯେଉଁମାନେ ଅଭାବୀ ଲୋକଙ୍କୁ ସେମାନଙ୍କ ରୋଜଗାରର କିଛି ଅଂଶ ଦେଇଥାନ୍ତି। କରୋନା ସମୟରେ ଦେଶ ତଥା ବିଦେଶର ଅନେକ ବ୍ୟବସାୟୀ ଅଭାବୀ ଲୋକଙ୍କୁ ସହାୟତାର ହାତ ବଢ଼ାଇଛନ୍ତି। ଜାଣିବା କିଏ କେତେ ଦାନ କରିଛନ୍ତି।
ଜେଫ ବେଜୋସ ବ୍ଲୁମବର୍ଗ: ଆମାଜନର ପ୍ରତିଷ୍ଠାତା ଜେଫ ବେଜୋସ ବିଶ୍ୱର ସବୁଠାରୁ ଧନୀ ବ୍ୟକ୍ତି । ଜେଫ୍ ସମୁଦାୟ ୩ ବିଲିୟନ୍ ଡଲାର ଦାନ କରିଛନ୍ତି। ଚଳିତବର୍ଷ ତାଙ୍କର ସମ୍ପତ୍ତି ୭୨ ବିଲିୟନ ଡଲାର ବୃଦ୍ଧି ପାଇ ସମୁଦାୟ ୧୮୭ ବିଲିୟନ ଡଲାରରେ ପହଞ୍ଚିଛି।
ବିଲ୍ ଗେଟ୍ସ: ବିଶ୍ୱର ସବୁଠାରୁ ଧନୀ ତାଲିକାରେ ବିଲ୍ ଗେଟ୍ସଙ୍କ ସ୍ଥାନ ଦ୍ୱିତୀୟରେ। ସେ ତାଙ୍କର ପୁରା କ୍ୟାରିୟରରେ ୫୦ ବିଲିୟନ ଡଲାର ଦାନ କରିଛନ୍ତି। ଚଳିତବର୍ଷ ତାଙ୍କ ସମ୍ପତି ୭.୫ ବିଲିୟନ୍ ଡଲାର ବୃଦ୍ଧି ପାଇଛି ଏବଂ ମୋଟ ସମ୍ପତ୍ତି ୧୨୧ ବିଲିୟନ ଡଲାରରେ ପହଞ୍ଚିଛି।
ମାର୍କ ଜୁକରବର୍ଗ: ଧନୀ ତାଲିକାରେ ମାର୍କ ଜୁକରବର୍ଗ ତୃତୀୟ ସ୍ଥାନରେ ରହିଛନ୍ତି। କରୋନା ସମୟରେ ତାଙ୍କର ସମ୍ପତ୍ତି ଯଥେଷ୍ଟ ବୃଦ୍ଧି ପାଇଛି। ନିକଟରେ ଜିଓ ପ୍ଲାଟଫର୍ମରେ ପ୍ରାୟ ୪୪ ହଜାର କୋଟି ଟଙ୍କା ବିନିଯୋଗ କରିଥିଲେ। ଜୁକରବର୍ଗ ୪ ବିଲିୟନ ଡଲାରରୁ ଅଧିକ ଦାନ କରିଛନ୍ତି। ତାଙ୍କର ମୋଟ ସମ୍ପତ୍ତି ହେଉଛି ୧୦୨ ମିଲିୟନ ଡଲାର।
ମୁକେଶ ଅମ୍ବାନୀ: ରିଲାଏନ୍ସ ଇଣ୍ଡଷ୍ଟ୍ରିର ଚେୟାରମ୍ୟାନ୍ ମୁକେଶ ଅମ୍ବାନୀ କରୋନା ସଙ୍କଟରେ ପିଏମ୍ କେୟାର ପାଣ୍ଠିକୁ ୫ଶହ କୋଟି ଟଙ୍କା ଦାନ କରିଛନ୍ତି। ଏଥିସହ ଗୁଜୁରାଟ ଏବଂ ମହାରାଷ୍ଟ୍ର ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ୫ କୋଟି ଲେଖାଏ ଦାନ କରିଛନ୍ତି। ଚଳିତବର୍ଷ ତାଙ୍କର ସମ୍ପତ୍ତିରେ ସମୁଦାୟ ୨୨ ବିଲିୟନ ଡଲାଲ ବୃଦ୍ଧି ପାଇଛି। ଏହାକୁ ମିଶାଇ ତାଙ୍କର ମୋଟ ସମ୍ପତ୍ତି ୮୦.୬ ବିଲିୟନ ଡଲାରରେ ପହଞ୍ଚିଛି।
ବର୍ନାର୍ଡ ଅର୍ନୋଲ୍ଡ: ଏହି ତାଲିକାର ୫ମ ସ୍ଥାନରେ ରହିଛନ୍ତି ୟୁରୋପର ବ୍ୟବସାୟୀ ବର୍ନାର୍ଡ ଅର୍ନୋଲ୍ଡ। ଚଳିତ ବର୍ଷ ତାଙ୍କର ସମ୍ପତ୍ତି ମୋଟ ୨୫ ବିଲିୟନ ଡଲାର ହ୍ରାସ ପାଇଛି। ତଥାପି ସେ ମୋଟ ୨୨୬ ମିଲିୟନ ଡଲାର ଦାନ କରିଛନ୍ତି।
