ଇସଲାମାବାଦ୍,୨୦।୩: ପାକିସ୍ତାନର ଆର୍ଥିକ ଅବସ୍ଥା ବିଗିଡି ଯାଇଛି। ମୁଦ୍ରାସ୍ଫୀତି ଏତେ ଅଧିକ ଯେ, ଏଟିଏମରୁ ଟଙ୍କା ଉଠାଇଲେ ତାହା କ୍ଷଣକ ମଧ୍ୟରେ ଶେଷ ହୋଇଯାଉଛି। ପାକିସ୍ତାନ ନାମରେ ଏଟିଏମ ସମ୍ବନ୍ଧରେ ଏଭଳି ବିଶ୍ୱ ରେକର୍ଡ ରହିଛି, ଯାହା ଜାଣି ଆପଣ ଆଶ୍ଚର୍ଯ୍ୟ ହେବେ। ପାକିସ୍ତାନରେ ବିଶ୍ୱର ସର୍ବୋଚ୍ଚ ଏଟିଏମ ସ୍ଥାପିତ ହୋଇଛି। କିଛି ଲୋକ ଏହି ଏଟିଏମକୁ ସେଲଫି ଏଟିଏମ ବୋଲି ମଧ୍ୟ କୁହନ୍ତି। ଯେଉଁମାନେ ଏହି ଏଟିଏମରୁ ଟଙ୍କା ଉଠାଇବାକୁ ଯାଆନ୍ତି, ଏହା ସହିତ ସେଲଫି ନେଇ ସୋସିଆଲ ମିଡିଆରେ ପୋଷ୍ଟ କରନ୍ତି।
ପାକିସ୍ତାନରେ ଏହି ଏଟିଏମ୍ ପାହାଡ଼ିଆ ଅଞ୍ଚଳ ଅଛି। ଏହି ସ୍ଥାନଟି ବରଫ ପାହାଡ ଦ୍ୱାରା ଘେରି ରହିଛି। ବର୍ଷସାରା ଏଠାରେ ତୁଷାରପାତ ହୁଏ। ଏହି ଏଟିଏମ ନ୍ୟାଶନାଲ ବ୍ୟାଙ୍କ ଅଫ ପାକିସ୍ତାନର ଅଟେ। ଏଟିଏମ ବିଷୟରେ ସବୁଠାରୁ ବିଶେଷ କଥା ହେଉଛି ଏହାକୁ ଚଳାଇବା ପାଇଁ ସୌର ଏବଂ ପବନ ଶକ୍ତିର ସାହାଯ୍ୟ ନିଆଯାଏ। ଏହି ଏଟିଏମ ୨୦୧୬ରେ ସ୍ଥାପିତ ହୋଇଥିଲା ଏବଂ ଏହାର ନାମ ବର୍ତ୍ତମାନ ଗିନିଜ ୱାଲର୍ଡ ରେକର୍ଡରେ ସ୍ଥାନ ପାଇଛି। ଏହି ଏଟିଏମ ୪୬୯୩ ମିଟର ଉଚ୍ଚତାରେ ନିର୍ମିତ।
ଗତ ୧୫ ଦିନ ମଧ୍ୟରେ ଏହି ଏଟିଏମରୁ ପ୍ରାୟ ୪୦ ରୁ ୫୦ ଲକ୍ଷ ଟଙ୍କା ଉଠାଯାଇଛି। ଏହାର କାରଣ ହେଉଛି ଏଠାରେ ପର୍ଯ୍ୟଟକଙ୍କ ଆଗମନ। ପର୍ଯ୍ୟଟକମାନେ ଟଙ୍କା ଉଠାଇବା ପାଇଁ ଅଧିକାଂଶ ସମୟରେ ଏଟିଏମ ବ୍ୟବହାର କରନ୍ତି।
