ବେଜିଂ,୪ା୧୧: ଚାଇନାରେ କରୋନା ସଂକ୍ରମଣକୁ ନେଇ ସରକାର ଏବଂ ସାଧାରଣ ଜନତାଙ୍କ ମଧ୍ୟରେ ପୁଣି ଆତଙ୍କ ଖେଳିଯାଇଛି। କରୋନା ସଂକ୍ରମଣ ମାମଲା ସାମ୍ନାକୁ ଆସିବା ପରେ ଅନେକ ସହରରେ ଲକ୍ଡାଉନ୍ ଲାଗୁ କରାଯାଇଛି। ଲକ୍ଷ ଲକ୍ଷ ଲୋକ ନିଜ ଘରେ ରହିବାକୁ ବାଧ୍ୟ ହେଉଛନ୍ତି। ସେହିଭଳି ଭୟଙ୍କର ସ୍ମୃତି ବାଣ୍ଟି ଝାଙ୍ଗ୍ ୟାଓ କହିଛନ୍ତି, ଚାଇନାର ସବୁଠୁ ବଡ଼ ଆଇଫୋନ କାରଖାନା କରୋନା ଲକ୍ଡାଉନ୍ରେ ଫସି ରହିଥିବା ହଜାର ହଜାର କର୍ମଚାରୀ ବହୁତ ଅସୁବିଧାର ସମ୍ମୁଖୀନ ହୋଇଛନ୍ତି।
ସେ କହିଛନ୍ତି, ଏହା ଅକ୍ଟୋବରରେ ଆରମ୍ଭ ଥିଲା, ଯେତେବେଳେ ତାଙ୍କ ସୁପରଭାଇଜର ହଠାତ୍ ତାଙ୍କୁ ଚେତାବନୀ ଦେଇଥିଲେ ଯେ, ତାଙ୍କର ୩୦୦୦ ସହକର୍ମୀଙ୍କୁ କ୍ୱାରାଣ୍ଟାଇନରେ ରଖାଯାଇଛି। କାରଣ କାରଖାନାରେ କିଛି ଲୋକ କରୋନା ପଜିଟିଭ୍ ଥିବା ଜଣାପଡ଼ିଛି। ସେ ଆମକୁ କହିଥିଲେ ମାସ୍କ କାଢ଼ିବ ନାହିଁ। ଯଦି କେହି ଏହା କରିବ ତେବେ ତୁମମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହି ସମୟରେ ଖାଦ୍ୟର ଅଭାବ ମଧ୍ୟ ଦେଖାଦେଇଥିଲା ଏବଂ ସବୁବେଳେ ସଂକ୍ରମଣର ଭୟ ରହିଥିଲା। ଶେଷରେ ସେ ମଙ୍ଗଳବାର ଫ୍ୟାକ୍ଟ୍ରି ଛାଡ଼ି ଚାଲିଯାଇଥିଲେ।