କ୍ୱିଭ୍,୫।୫: ଦୁଇ ମାସରୁ ଅଧିକ ସମୟ ଧରି ରୁଷିଆ ଓ ୟୁକ୍ରେନ ମଧ୍ୟରେ ଯୁଦ୍ଧ ଜାରି ରହିଛି। ରୁଷିଆର ଆକ୍ରମଣରେ ୟୁକ୍ରେନର ଅନେକ ସହର ଧ୍ୱଂସ ହୋଇଥିବା ବେଳେ ଏହି ଯୁଦ୍ଧରେ ବହୁ ସଂଖ୍ୟକ ସୈନ୍ୟ ଏବଂ ସାଧାରଣ ନାଗରିକ ନିଜର ପ୍ରାଣ ହରାଇଛନ୍ତି। ଇତିମଧ୍ୟରେ ୟୁକ୍ରେନ ଅନେକ ରୁଷିଆ ସୈନ୍ୟଙ୍କୁ ହତ୍ୟା କରିଛି ବୋଲି ଦାବି କରିଛି। ୟୁକ୍ରେନ ଅଧିକାରୀମାନେ ଦାବି କହିଛନ୍ତି ଯେ, ସେମାନେ ଯୁଦ୍ଧ ସମୟରେ ପ୍ରାୟ ୧୨ଜଣ ରୁଷିଆ ଜେନେରାଲଙ୍କୁ ହତ୍ୟା କରିଛନ୍ତି। ମିଡିଆ ରିପୋର୍ଟ ଅନୁସାରେ, ଆମେରିକାର ଗୁଇନ୍ଦା ବିଭାଗ ୟୁକ୍ରେନ ସେନାକୁ ବହୁତ ସାହାଯ୍ୟ କରିଛି। ବୁଧବାର ନ୍ୟୁୟର୍କ ଟାଇମ୍ସ ଆମେରିକାର ବରିଷ୍ଠ ଅଧିକାରୀଙ୍କ ଉଦ୍ଦେଶ୍ୟରେ କହିଛି ଯେ, ଯୁଦ୍ଧ ସମୟରେ ଅନେକ ରୁଷିଆ ଜେନେରାଲଙ୍କୁ ହତ୍ୟା କରିବା ପାଇଁ ଆମେରିକା ଗୁପ୍ତ ସୂଚନା ଦେବାରେ କ୍ୱିଭ୍କୁ ସହାୟତା କରିଥିଲା। ନ୍ୟୁୟର୍କ ଟାଇମ୍ସ ଅନୁଯାୟୀ, ୱାଶିଂଟନ ରୁଷିଆର ସାମରିକ କାର୍ଯ୍ୟକଳାପ, ରୁଷିଆର ମୋବାଇଲ ସାମରିକ ମୁଖ୍ୟାଳୟର ଅବସ୍ଥାନ ଏବଂ ଅନ୍ୟାନ୍ୟ ବିବରଣୀ ଉପରେ ୟୁକ୍ରେନକୁ ସୂଚନା ଦେଇଥିଲା।
