ଓ୍ବାଶିଂଟନ,୨୨ା୧୨: ଚାଇନାରେ ବୃଦ୍ଧି ପାଉଥିବା କରୋନା ମାମଲାକୁ ଦୃଷ୍ଟିରେ ରଖି ବର୍ତ୍ତମାନ ବିଶ୍ୱ ସ୍ବାସ୍ଥ୍ୟ ସଂଗଠନ ମଧ୍ୟ ଚିନ୍ତା ପ୍ରକଟ କରିଛି। ଡବ୍ଲ୍ୟୁଏଚ୍ଓ ମୁଖ୍ୟ ଟେଡ୍ରୋସ ଅଧନୋମ ଗେବ୍ରେୟେସସ୍ କହିଛନ୍ତି, ଚାଇନାରେ ଦ୍ରୁତ ଗତିରେ ବଢୁଥିବା କରୋନା ମାମଲାକୁ ନେଇ ସେ ଅତ୍ୟନ୍ତ ଚିନ୍ତିତ। ବିପଦରେ ଥିବା ଲୋକଙ୍କୁ ଟିକାକରଣର ଗତି ବଢ଼ାଇବାକୁ ସେ ଚାଇନାକୁ ମଧ୍ୟ ନିବେଦନ କରିଛନ୍ତି।
ଗେବ୍ରେୟେସସ୍ ଏକ ଖବରଦାତା ସମ୍ମିଳନୀରେ କରୋନାର ଗମ୍ଭୀରତା, ଡାକ୍ତରଖାନାରେ ଭର୍ତ୍ତି ହୋଇଥିବା ରୋଗୀଙ୍କ ସଂଖ୍ୟା ଏବଂ ଆନ୍ତରିକ ଚିକିତ୍ସାର ଆବଶ୍ୟକତା ସମ୍ପର୍କରେ ସମ୍ପୂର୍ଣ୍ଣ ବିସ୍ତୃତ ସୂଚନା ଦେବାକୁ ଚାଇନାକୁ ନିବେଦନ କରିଛନ୍ତି। ସେ କହିଛନ୍ତି, ଚାଇନାରେ ଅବନତି ପରିସ୍ଥିତିକୁ ଦୃଷ୍ଟିରେ ରଖି ଡବ୍ଲ୍ୟୁଏଚ୍ଓ ଖୁବ୍ ଚିନ୍ତିତ।
ସେ ଏହା ମଧ୍ୟ କହିଛନ୍ତି, ଚାଇନା ଦେଶର ସର୍ବାଧିକ ବିପଦଜ୍ଜନକ ଲୋକଙ୍କୁ ଟିକାକରଣ ପାଇଁ ପ୍ରୟାସ କରିବାକୁ ଧ୍ୟାନ ଦେଉଛି। ଏହା ବ୍ୟତୀତ ଆମେ ଏହାର ଚିକିତ୍ସା ସେବା ଏବଂ ସ୍ବାସ୍ଥ୍ୟ ବ୍ୟବସ୍ଥାର ସୁରକ୍ଷା ପାଇ ଚାଇନାକୁ ସମର୍ଥନ ଜାରି ରଖିବୁ।