କୋରେଇ,୨୦ା୧୦(ଚନ୍ଦ୍ରକାନ୍ତ ପତି): ଯାଜପୁର ଜିଲା କୋରେଇ ବ୍ଲକ ଅଧୀନ ବିଭିନ୍ନ ପଞ୍ଚାୟତରେ ହୋଇଥିବା ଧାନ ଚାଷରେ ଚକଡ଼ା ପୋକ ଲାଗିଥିବା ଦେଖିବାକୁ ମିଳିଛି। ତେଣୁ ଜିଲା କୃଷି ବିଭାଗ ତୁରନ୍ତ ଏଥିପ୍ରତି ଦୃଷ୍ଟି ଦେବାକୁ ଚାଷୀମାନେ ନିବେଦନ କରିଛନ୍ତି।
ସୂଚନା ଅନୁଯାୟୀ, ବ୍ଲକ ଅଧୀନ ଧନେଶ୍ୱର, ପଥରପଦା, ଅମୃତିଆ, ଗୋଳେଇପୁର, ବନ୍ଦାଳୋ, ବରୁଣ୍ଡେଇ ଓ ମୁକୁନ୍ଦପୁରର ଆଦି ପଞ୍ଚାୟତର ପ୍ରାୟ ୩୦ରୁ୪୦ ହେକ୍ଟର ଚାଷ ଜମିରେ ଚକଡା ପୋକ ଲାଗିଥିବା ଖବର ସାମ୍ନାକୁ ଆସିଛି। ପୋକ ଲାଗିବା ଦ୍ୱାରା ଧାନଗଛ ଗୁଡ଼ିକ ଲାଲ ପଡିଯିବା ସହିତ ଶୁଖି ଯାଉଛି। ଗୋଟଏ ବିଲରୁ ପାଖ ବିଲକୁ ମଧ୍ୟ ଏହା ବ୍ୟାପୀବାରେ ଲାଗିଛି। ଔଷଧ ସିଞ୍ଚନ କଲେ କୋଣସି ଫଳ ମିଳୁ ନ ଥିବା ଚାଷୀ ଅଭିଯୋଗ କରିଛନ୍ତି। ହେଲେ ଜିଲା କୃଷି ବିଭାଗ ପକ୍ଷରୁ ଏ ସମ୍ପର୍କରେ କୌଣସି ସହାୟତା ମିଳୁନାହିଁ ବୋଲି ଧନେଶ୍ୱର ଅଞ୍ଚଳର ଚାଷୀ ପରିକ୍ଷିତ ମାଝି କହିଛନ୍ତି। ସେହିପରି ଟଙ୍କା ଉଦ୍ଧାର ଆଣି ଧାନ ଚାଷ କରୁଛୁ। ଚାଷ ଉଜୁଡି ଗଲେ ଆମେ ଚାଷବାସ ଛାଡ଼ିମୂଲ ଲାଗିବୁ ବୋଲି ଏହି ଅଞ୍ଚଳର ଅନ୍ୟଜଣେ ଚାଷୀ ରାମଚନ୍ଦ୍ର ସ୍ବାଇଁ ପ୍ରକାଶ କରିଛନ୍ତି। ଏନେଇ ବ୍ଲକ କୃଷି ଅଧିକାରୀ କବିତା ବେହେରାଙ୍କ ସହିତ ଯୋଗାଯୋଗ କରିବାରୁ ସେ ଚକଡ଼ା ପୋକ ଲାଗିଥିବା ଅଞ୍ଚଳରେ ଜିଲା କୃଷି ଅଧିକାରୀ ଅରୁଣ କୁମାର ପାତ୍ରଙ୍କ ସହିତ ବୁଲି ନିରୀକ୍ଷଣ କରିବା ସହ ସଚେତନତା ସୃଷ୍ଟି କରୁଥିବା କହିଛନ୍ତି।
