କୌଶାମ୍ବି,୨୬।୧୦: ମହାଦେବ ଶିବ ଶଙ୍କରଙ୍କୁ ପୂଜିଲେ ମନୋକାମନା ପୂର୍ଣ୍ଣ ହେବାର ବିଶ୍ୱାସ ରହିଛି। ହେଲେ ମନୋବାଞ୍ଚା ପୂରଣ ନ ହେଲେ ଜଣେ ଭକ୍ତ ଏପରି କରି ବସିଛନ୍ତି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଉତ୍ତରପ୍ରଦେଶର କୌଶାମ୍ବିରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଜଣେ ଭକ୍ତଙ୍କୁ ଗୁହାରି ଭଗବାନ ଶିବ ନ ଶୁଣିବାରୁ ସେ ଶିବଲିଙ୍ଗକୁ ଗାଏବ କରିଦେଇଛନ୍ତି।
ଘଟଣାଟି କିଛି ଏପରି ଘଟିଛି, ଯୁବକ ଜଣକ ଦେଢ ମାସ ଧରି ଚିତ୍ରକୂଟ ମାର୍ଗର କୁମହିୟାନଓ୍ବା କସବାରେ ଥିବା ଭୈରବ ବାବା ମନ୍ଦିରରେ ପୂଜା କରୁଥିଲେ। ଶୀଘ୍ର ବିବାହ ସହ ଭଲ ସ୍ତ୍ରୀ ପାଇବା ପାଇଁ ସେ ମାନସିକ ରଖିଥିଲେ। କିନ୍ତୁ ଦେଢ ମାସ ବିତିଯାଇଥିଲେ ମଧ୍ୟ ତାଙ୍କ ମନୋକାମନା ପୂର୍ଣ୍ଣ ହୋଇ ନ ଥିଲା। ତେଣୁ ାସ ମନ୍ଦିରରୁ ଶିବଲିଙ୍ଗକୁ ଗାଏବ କରିଦେଇଥିଲେ।
ପରେ ଶ୍ରଦ୍ଧାଳୁ ମନ୍ଦିରରେ ପହଞ୍ଚିବା ପରେ ଶିବଲିଙ୍ଗ ନ ଥିବାର ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ପୋଲିସକୁ ଖବର ଦେବା ସହ ସ୍ଥାନୀୟ ଗ୍ରାମବାସୀ ଖୋଜାଖୋଜି ଆରମ୍ଭ କରିଦେଇଥିଲେ। ପ୍ରାୟ ୧୦ ଘଣ୍ଟା ଧରି ପୋଲିସ ତଦନ୍ତ କରିବା କରିଥିଲା। ଯାଞ୍ଚବେଳେ ଗାଁର ଜଣେ ଯୁବକ ଛୋଟୁଙ୍କ ଉପରେ ପୋଲିସ ସନ୍ଦେହ କରିଥିଲା। ପରେ ତାଙ୍କୁ ପଚରାଉଚରା କରିବାରୁ ସେ ମନ୍ଦିରଠାରୁ ୧୦-୧୨ କିମି ଦୂରରେ ବାଉଁଶ ବୁଦା ତଳେ ଶିବଲିଙ୍ଗ ଲୁଚାଇଥିବା ଜଣାଇଥିଲା।