ନୂଆଦିଲ୍ଲୀ, ୨୩ା୫: ଦୁଇଥର ଅଲିମ୍ପିକ ପଦକ ବିଜେତା ରେସ୍ଲର ସୁଶୀଲ କୁମାରଙ୍କୁ ଦିଲ୍ଲୀ ପୋଲିସ ଶେଷରେ ପଞ୍ଜାବରୁ ଶନିବାର ଗିରଫ କରିଛି। ଛତ୍ରସାଲ ଷ୍ଟାଡିୟମ ଗଣ୍ଡଗୋଳରେ ସାଗର ରାଣା ନାମକ ଜଣେ ରେସ୍ଲରଙ୍କୁ ହତ୍ୟା କରାଯିବା ଘଟଣାରେ ସେ ସମ୍ପୃକ୍ତ ଥିବା ସନ୍ଦେହ କରାଯାଉଛି। ଖବର ଅନୁସାରେ ୩୭ ବର୍ଷୀୟ ସୁଶୀଲଙ୍କ ଡାହାଣ ହାତ ବୋଲି କୁହାଯାଉଥିବା ଅଜୟ କୁମାରଙ୍କୁ ମଧ୍ୟ ପଞ୍ଜାବରୁ ଗିରଫ କରାଯାଇଛି। ଏହି ହତ୍ୟା ମାମଲାରେ ପୋଲିସ ତାଙ୍କୁ ପୁଣି ଥରେ ପଚରାଉଚରା କରିବ। ସାଗର ରାଣାଙ୍କୁ ହତ୍ୟା କରାଯିବା ପରଠାରୁ ସୁଶୀଲ ଫେରାର ହୋଇଯାଇଥିଲେ। କୋର୍ଟ ତାଙ୍କ ବିରୋଧରେ ଜାମିନବିହୀନ ଗିରଫ ପରଓ୍ବାନା ଜାରି କରିଥିବା ବେଳେ ଦିଲ୍ଲୀ ପୋଲିସ ତରଫରୁ ଏହି ରେସ୍ଲରଙ୍କ ଅବସ୍ଥିତି ସମ୍ପର୍କରେ ସୂଚନା ପାଇଁ ୧ ଲକ୍ଷ ଟଙ୍କା ପୁରସ୍କାର ମଧ୍ୟ ଘୋଷଣା କରାଯାଇଥିଲା। ସୁଶୀଲ ହତ୍ୟାକାଣ୍ଡ ଘଟଣାର ମୁଖ୍ୟ ନାୟକ ବୋଲି କୁହାଯାଉଛି। ତାଙ୍କୁ ଧରିବା ଲାଗି ଏକାଧିକ ପୋଲିସ ଟିମ୍ ଗଠନ କରାଯାଇଥିଲା ଏବଂ ପଞ୍ଜାବ ଓ ହରିୟାଣାର ବିଭିନ୍ନ ସ୍ଥାନରେ ଚଢ଼ାଉ