ନୂଆଦିଲ୍ଲୀ,୨୦।୧: ଭାରତୀୟ ରେସଲିଂ ଫେଡେରେଶନର ଅଧ୍ୟକ୍ଷ ବ୍ରଜଭୂଷଣ ଶରଣ ସିଂଙ୍କ ଅଡ଼ୁଆ ବେଳକୁ ବେଳ ବଢ଼ିବାରେ ଲାଗିଛି। ଯୌନ ନିର୍ଯାତନା ଓ ଜନ୍ତର ମନ୍ତରରେ କୁସ୍ତିଯୋଦ୍ଧାଙ୍କ ବିରୋଧ ପ୍ରଦର୍ଶନ ପରେ ଏବେ ବ୍ରଜଭୂଷଣଙ୍କ ଉପରେ ଇସ୍ତଫା ନେଇ ଚାପ ପଡ଼ିଛି। ଅନ୍ୟପଟେ କ୍ରୀଡା ମନ୍ତ୍ରଣାଳୟ ଗୁରୁବାର ବ୍ରଜଭୂଷଣଙ୍କୁ ଏକ ଶେଷ ଚେତାବନୀ ଦେଇଛି। ୨୪ ଘଣ୍ଟା ମଧ୍ୟରେ ନିଜର ଇସ୍ତଫା ଦାଖଲ କରିବାକୁ କ୍ରୀଡା ମନ୍ତ୍ରଣାଳୟ କହିଛି। ଏହାପୂର୍ବରୁ କେନ୍ଦ୍ର କ୍ରୀଡା ମନ୍ତ୍ରୀ ଅନୁରାଗ ଠାକୁର ତାଙ୍କ ବାସଭବନରେ ପ୍ରଦର୍ଶନକାରୀ କୁସ୍ତିମାନଙ୍କ ସହ ଏକ ବୈଠକ କରିଥିଲେ।