ଚମ୍ପୁଆ, ୧୮।୩ (ଡି.ଏନ.ଏ)- ପରିଚୟ ପତ୍ର ମାଧ୍ୟମରେ ମଣିଷ ପରିଚୟ ପାଏ ସତ ମାତ୍ର ଉକ୍ତ ପରିଚୟ ପତ୍ରରେ ଯଦି ଜନ୍ମ ତାରିଖ ଭୁଲ ହୋଇଯାଏ ତେବେ ମଣିଷ ପାଇଁ ସରକାରୀ ଯୋଜନା ପାଲଟିଯାଏ ସାତ ସପନ। ଏଭଳି ଏକ ଘଟଣା ଦେଖିବାକୁ ମିଳିଛି ଚମ୍ପୁଆ ବ୍ଲକ ରଜିଆ ଗ୍ରାମରେ। ବୟସର ଅପରାହ୍ନରେ ପହଞ୍ଚିସାରିଥିବା ଅବିବାହିତ ଦୁଇଭାଇ ଭତ୍ତାରୁ ବଞ୍ଚିତ ହୋଇଥିବା ଦେଖିବାକୁ ମିଳିଛି। ବଡଭାଇ ଯୋଗେନ୍ଦ୍ର ମହାରଣାଙ୍କ ବୟସ ୮୦ ବର୍ଷ ହୋଇଥିବା ବେଳେ ସାନଭାଇ ଅର୍ଜୁନଙ୍କ ବୟସ ୭୦ରୁ ଉର୍ଦ୍ଧ୍ୱ। ମାତ୍ର ମିଳିଥିବା ଆଧାର କାର୍ଡରେ ବଡଭାଇଙ୍କ ବୟସ ୩୫ ହୋଇଥିବା ବେଳେ ସାନଭାଇଙ୍କ ବୟସ ୫୦ ବୋଲି ଉଲ୍ଲେଖ ରହିଛି। ବାର୍ଦ୍ଧକ୍ୟ ଭତ୍ତା ପାଇଁ ଆଧାର କାର୍ଡ ଜରୁରୀ ହୋଇଥିବା ବେଳେ ଉକ୍ତ ଆଧାରରେ ଉଭୟଙ୍କ ବୟସ ଭତ୍ତା ପାଇଁ ଯୋଗ୍ୟ ହୋଇ ନ ଥିବାରୁ ଆବେଦନ ପରେ ବି ଏହା ନାକଚ ହେଶଇଯାଉଛି। ଅନ୍ୟପକ୍ଷରେ ବଡଭାଇ ଯୋଗେନ୍ଦ୍ର ଦୀର୍ଘଦିନ ହେବ ଫାଇଲେରିଆ ରୋଗରେ ଆକ୍ରନ୍ତ ହୋଇ କାମଦାମ କରି ନ ପାରି ଘରେ ପଡିରହିଥିବା ବେଳେ ସାନଭାଇ ମଜୁରି କରି ଆଣୁଥିବା ଅର୍ଥରେ ଦୁଇଭାଇ ଯେନତେନ ପ୍ରକାର ଚଳିଯାଉଛନ୍ତି ବୋଲି କହିଛନ୍ତି। ଏମାନଙ୍କର ଭୋଟର କାର୍ଡ ନ ଥିବା କହିଛନ୍ତି। ଏ ନେଇ ରଜିଆ ସରପଞ୍ଚ ଜୟକିଶୋରୀ ନାଏକଙ୍କୁ ପଚାରିବାରୁ ଏଭଳି ଲୋକମାନେ ତାଙ୍କ ସମସ୍ୟା ସମ୍ବନ୍ଧରେ ଆମକୁ ଅବଗତ କରୁନାହାନ୍ତି। ତୁରନ୍ତ ଉଭୟଙ୍କ ଆଧାର ସଂଶୋଧନ କରାଯାଇ ଭତ୍ତା ବ୍ୟବସ୍ଥା କରାଯିବ ବୋଲି ସେ କହିଛନ୍ତି।