ଦୁନିଆର ଯେକୌଣସି ବ୍ୟକ୍ତି ଅନେକ ଚିନ୍ତା ପରେ ଟାଟୁ ଆଙ୍କିବାକୁ ନିଷ୍ପତ୍ତି ନେଇଥାନ୍ତି। ମାତ୍ର ଏହି ଟାଟୁ ଯଦି ଭୁଲ୍ ହୋଇଯାଏ ତେବେ ଜୀବନ ସାରା ପସ୍ତାଇବାକୁ ପଡ଼ିବ। ତେଣୁ ଟାଟୁ ଆଙ୍କିବା ସମୟରେ ଯଥେଷ୍ଟ ଯତ୍ନବାନ ହେବା ଉଚିତ୍। ଏହାର ଡିଜାଇନ ହେଉ କିମ୍ବା ବନାନ, ସବୁ ଦିଗ ପ୍ରତି ଜଣେ ଧ୍ୟାନ ଦେବା ଆବଶ୍ୟକ। ସୋସିଆଲ ମିଡିଆରେ ଜଣେ ଯୁବତୀ ତାଙ୍କ ସହ ଘଟିଥିବା ଏପରି ଏକ ଘଟଣା ଶେୟାର କରିଛନ୍ତି। ଯାହା ଜାଣିଲେ ଆଶ୍ଚର୍ଯ୍ୟ ହେବେ।
୧୮ ବର୍ଷ ବୟସ୍କା ଜେନିଫର୍ ମ୍ୟା ତାଙ୍କ ଛାତିରେ ଏକ ଟାଟୁ ଆଙ୍କିଥିଲେ। ଯେଉଁ ଟାଟୁଟି ପ୍ରେରଣାଦାୟକ ଟାଟୁ ଆଙ୍କିବାର ଥିଲା। ମାତ୍ର ଟାଟୁକାର ଏଥିରେ ଏକ ବଡ଼ ଭୁଲ୍ କରିଦେଇଛନ୍ତି। ବର୍ତ୍ତମାନ ସେ ଏହି ଟାଟୁରୁ ଯଥାଶୀଘ୍ର ମୁକ୍ତି ପାଇବାକୁ ଚାହୁଁଛନ୍ତି। କିନ୍ତୁ ଯେହେତୁ ସେ ଏକ ସ୍ଥାୟୀ ଟାଟୁ କରିସାରିଛନ୍ତି, ତେଣୁ ଏହାକୁ ଲିଭାଇବା ବହୁତ କଷ୍ଟକର। ଜେନିଫର କହିଛନ୍ତି, ସେ ଏହି ଟାଟୁକୁ ନେଇ ବିରକ୍ତ ପ୍ରକାଶ କରୁଛନ୍ତି। ଏଥିରେ ଏପରି ଏକ ଭୁଲ୍ ଅଛି, ଯାହା ତାଙ୍କୁ ବହୁତ ଲଜ୍ଜିତ କରୁଛି। ଜେନିଫର୍ ଟାଟୁ କଳାକାରଙ୍କ ନାମ ପ୍ରକାଶ କରିନାହାନ୍ତି କିନ୍ତୁ ତାଙ୍କ ଟାଟୁ ଦ୍ୱାରା ସେ ବହୁତ ଲଜ୍ଜିତ ବୋଲି କହିଛନ୍ତି।
ଜେନିଫର୍ ତାଙ୍କ ଛାତିରେ ଦୁଇଟି ପ୍ରଜାପତିର ଟାଟୁ ଆଙ୍କିବାକୁ ସ୍ଥିର କରିଥିଲେ। ଏହା ସହିତ, ସେ ଏକ ପ୍ରେରଣାଦାୟକ ବାର୍ତ୍ତା ଲେଖିବାକୁ ସ୍ଥିର କଲେ ‘ଯନ୍ତ୍ରଣା ସହିତ ଶକ୍ତି ଆସେ’ କିନ୍ତୁ ଟାଟୁ କଳାକାର ଏଥିରେ ଏକ ବଡ଼ ଭୁଲ କରିଥିଲେ। ଟାଟୁକାର strengthର ବନାନ strenth ଲେଖିଥିଲେ। ଯେଉଁ ଭୁଲ୍କୁ ଜେନିଫର୍ ପ୍ରାରମ୍ଭିକ ପର୍ଯ୍ୟାୟରେ ଲକ୍ଷ୍ୟ କରି ନ ଥିଲେ। ପରେ ଦେଖି ସେ କାନ୍ଦି କାନ୍ଦି ନୟାନ୍ତ। ଟାଟୁକାରଙ୍କୁ କହିଥିଲେ ସମ୍ପୂର୍ଣ୍ଣ କିପରି ଏହାକୁ ହଟାଯିବ ତାହା ଦୟାକରି କରନ୍ତୁ।
ଜେନିଫରଙ୍କ ପୋଷ୍ଟରେ ଲୋକମାନେ ଅନେକ ପ୍ରତିକ୍ରିୟା ଦେଇଛନ୍ତି। ଜଣେ ୟୁଜର ଲେଖିଛନ୍ତି, ସେ ବର୍ତ୍ତମାନ କଣ କରିବେ? ସେ ଟାଟୁକୁ ଲିଭାଇ ହେବ କି? ଏହାର ଜବାବରେ ଜେନିଫର ଲୋକମାନଙ୍କୁ କହିଥିଲେ ଟାଟୁକୁ ସମ୍ପୂର୍ଣ୍ଣ ଭାବେ ହଟାଇବା ପାଇଁ ବ୍ୟବସ୍ଥା କରିସାରିଛନ୍ତି। ଏଥି ସହିତ ଜେନିଫରଙ୍କ ଅବହେଳା ଉପରେ ଅନେକ ମନ୍ତବ୍ୟ ମଧ୍ୟ ଦେଇଛନ୍ତି। ଜଣେ ବ୍ୟକ୍ତି ଲେଖିଛନ୍ତି, ଟାଟୁ କିପରି ଅଙ୍କା ଯାଉଛି ସେଥିପ୍ରତି ଧ୍ୟାନ ଦେବା ଉଚିତ୍। ସେ ଧ୍ୟାନ ଦେଲେ ନାହିଁ। ଏହାର ପରିଣାମ ସ୍ବରୂପ ଭୁଲ ଟାଟୁ କରାଯାଇଛି।