ସାଉଥାମ୍ପଟନ,୧୮।୬: ଭାରତ-ନ୍ୟୁଜିଲାଣ୍ଡ ମଧ୍ୟରେ ଶୁକ୍ରବାରଠାରୁ ଆରମ୍ଭ ହେବାକୁ ଥିବା ବହୁ ପ୍ରତିକ୍ଷୀତ ବିଶ୍ୱ ଟେଷ୍ଟ ଚାମ୍ପିୟନଶିପ୍ ଫାଇନାଲ ମ୍ୟାଚ୍ର ପ୍ରଥମ ଅଧିବେଶନରେ କୌଣସି ଖେଳ ହେବନାହିଁ। ସାଉଥାମ୍ପଟନରେ ବର୍ଷା ହେଉଥିବା କାରଣରୁ ମ୍ୟାଚ୍କୁ ଆଗକୁ ବଢ଼ାଇ ଦିଆଯାଇଛି। ଏହାର ଅର୍ଥ ଟସ୍ କିଏ ଜିତିବ ତାହା ଜାଣିବା ପାଇଁ ଗୋଟିଏ ଅଧିବେଶନ ଅପେକ୍ଷା କରିବାକୁ ପଡ଼ିବ ବୋଲି ବିସିସିଆଇ ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି।
ପ୍ରଥମ ଟୁଇଟରେ ସାଉଥାମ୍ପଟନର ଦୁଇଟି ଫଟୋ ଆଧିକାରୀକ ଆକାଉଣ୍ଟରେ ଶେୟାର କରିଛି ବିସିସିଆଇ। ଗୋଟିଏ ଫଟୋରେ ଅମ୍ପାୟାର ଏବଂ ରେଫରି ଛତା ଧରି ପଡ଼ିଆ ଭିତରେ ଛିଡ଼ା ହୋଇଥିବା ଦେଖାଯାଇଛି। ଏହାଛଡ଼ା ଦ୍ୱିତୀୟ ଫଟୋରେ ପିଚ୍କୁ କଭର୍ ଦ୍ୱାରା ଘୋଡ଼ାଇ ଦିଆଯାଇଛି। ସେହିଭଳି ଅନ୍ୟ ଏକ ଟୁଇଟ୍ରେ ଦୁର୍ଭାଗ୍ୟବଶତଃ ଫାଇନାଲର ପ୍ରଥମ ଦିନର ପ୍ରଥମ ଅଧିବେଶନ(ସେସନ୍)ର ଖେଳ ହେବ ନାହିଁ ବୋଲି ବିସିସିଆଇ କହିଛି। ଏହା ଶୁଣି କ୍ରିକେଟ ପ୍ରଶଂସକ ନିରାଶ ହୋଇଛନ୍ତି।