ଦୁବାଇ,୮।୬: ଆସନ୍ତା ୧୮ ତାରିଖରୁ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ସାଉଥାମ୍ପଟନର ଏଜେସ ବାଉଲଠାରେ ଖେଳାଯିବା ବିଶ୍ୱ ଟେଷ୍ଟ ଚାମ୍ପିୟନଶିପ୍ (ଡବ୍ଲ୍ୟୁଟିସି)ର ଫାଇନାଲ ମ୍ୟାଚ୍। ଏଥି ଲାଗି ଆଇସିସି ପକ୍ଷରୁ ମଙ୍ଗଳବାର ଘୋଷଣା କରାଯାଇଛି ଅମ୍ପାୟର ଓ ମ୍ୟାଚ୍ ଅଫିସିଆଲଙ୍କ ନାମ। ମ୍ୟାଚ୍ରେ ଇଂଲଣ୍ଡର ରିଚାର୍ଡ ଇଲିଙ୍ଗଓ୍ବର୍ଥ ଓ ମାଇକେଲ ଗଫ ଫିଲ୍ଡ ଅମ୍ପାୟରଙ୍କ ଦାୟିତ୍ୱରେ ରହିବେ। ପୂର୍ବତନ ଇଂଲଣ୍ଡ ଓପନର କ୍ରିସ ବ୍ରଡଙ୍କୁ ଦିଆଯାଇଛି ମ୍ୟାଚ୍ ରେଫରୀ ଦାୟିତ୍ୱ।
ଆଇସିସି ଏଲିଟି ପାନେଲର ସଦସ୍ୟ ରିଚାର୍ଡ କେଟଲବର୍ଗ ଟିଭି ଅମ୍ପାୟରଙ୍କ ଦାୟିତ୍ୱ ସମ୍ଭାଳିବେ। ସେହିଭଳି ମ୍ୟାଚ୍ର ଚତୁର୍ଥ ଅଫିସିଆଲ ଭାବେ ଆଲେକ୍ସ ଓ୍ବାର୍ଫଙ୍କୁ ଆଇସିସି ପକ୍ଷରୁ ନିଯୁକ୍ତ କରାଯାଇଛି।
