ସାଉଥାମ୍ପଟନ୍,୨୩।୬:ଆଇସିସି ବିଶ୍ୱ ଟେଷ୍ଟ ଚାମ୍ପିଅନସିପ (ଡବ୍ଲୁଟିଏସି ଫାଇନାଲ)ର ଫାଇନାଲ ସାଉଥାମ୍ପଟନ୍ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଉଛି। କିନ୍ତୁ ସାଉଥାମ୍ପଟନରେ ବର୍ଷା ଲାଗି ରହିଥିବାରୁ ମ୍ୟାଚ୍ରେ ବାଧାପ୍ରାପ୍ତ ହୋଇଛି। ଡବ୍ଲୁଟିସି ଫାଇନାଲ ହେବାର ଚାରି ଦିନ ବିତିଗଲାଣି। ଏଥିରୁ ପ୍ରଥମ ଏବଂ ଚତୁର୍ଥ ଦିନର ଖେଳ ସମ୍ପୂର୍ଣ୍ଣ ବର୍ଷାରେ ଧୋଇ ହୋଇଯାଇଛି। ଦ୍ୱିତୀୟ ଦିନରେ ଖରାପ ଆଲୋକ କାରଣରୁ ଖେଳ ଅଧାରୁ ବନ୍ଦ ହୋଇଯାଇଛି। ଏପର୍ଯ୍ୟନ୍ତ କେବଳ ତୃତୀୟ ଦିନ ଖେଳ ସମ୍ପୂର୍ଣ୍ଣ ହୋଇଛି। ଭାରତ ପ୍ରଥମ ଇନିଂଶରେ ୨୧୭ ରନ୍ କରି ଅଲଆଉଟ୍ ହୋଇଥିଲା।
ଅଜିଙ୍କେ ରାହାନେ ୪୯ ଏବଂ ଅଧିନାୟକ ବିରାଟ କୋହଲି ୪୪ ରନ୍ ଛଡା ଅନ୍ୟ କୌଣସି ବ୍ୟାଟ୍ସମ୍ୟାନ୍ ବଡ଼ ସ୍କୋର କରିବାରେ ବିଫଳ ହୋଇଥିଲେ। ତେବେ ଅଶ୍ୱିନ ଭାରତ ପାଇଁ କିଛି ଗୁରୁତ୍ୱପୂର୍ଣ୍ଣ ରନ ସ୍କୋର କରିବାରେ ସଫଳ ହୋଇଥିଲେ। ଏହି ସମୟରେ ତାଙ୍କ ପ୍ରୀତି ନାରାୟଣନ ହୋଟେଲରେ ଥିବା ତାଙ୍କ କୋଠରୀର ବାଲକୋନିରୁ ସ୍ବାମୀଙ୍କ ବ୍ୟାଟିଂ ଦେଖୁଥିଲେ। କିନ୍ତୁ ଅଶ୍ୱିନ ମାତ୍ର ୨୨ ରନ୍ କରି ସାଉଥିଙ୍କ ଦ୍ୱାରା ଆଉଟ୍ ହୋଇଥିଲେ। ଏଥିରେ ପ୍ରୀତି ନିରାଶ ହୋଇଯାଇଥିଲେ। ସେ ଟୁଇଟ୍ କରି କହିଛନ୍ତି ‘ଆୟୋ …’। ଆୟୋ ଏକ ଦକ୍ଷିଣ ଭାରତୀୟ ଅଭିବ୍ୟକ୍ତି, ଯାହା ହେ ଭଗବାନଙ୍କ ସହିତ ସମାନ। ପ୍ରୀତି ଷ୍ଟାଡିୟମ ଭିତରେ ଥିବା ହୋଟେଲରେ ଭାରତୀୟ କ୍ରିକେଟରଙ୍କ ପରିବାର ସଦସ୍ୟଙ୍କ ସହିତ ରହିଛନ୍ତି।