ଫ୍ଲୋରିଡା, ୧୬।୧୦- ବିବାହ ବନ୍ଧନରେ ବାନ୍ଧି ହୋଇଛନ୍ତି ଲୋକପ୍ରିୟ ଡବ୍ଲ୍ୟୁଡବ୍ଲ୍ୟୁଇର ତାରକା ଜନ୍ ସିନା। ଗତ ବୁଧବାର ଆମେରିକାର ଫ୍ଲୋରିଡା ସହରରେ ସେ ତାଙ୍କର ପ୍ରେମିକା ଶାୟ ଶରିୟାଟଜାଡେଙ୍କୁ ବିବାହ କରିଛନ୍ତି। ଏହି ବିବାହ ଉତ୍ସବରେ ବହୁ ଚଳଚ୍ଚିତ୍ର ତାରକା, ଡବ୍ଲ୍ୟୁଡବ୍ଲ୍ୟୁଇର ସେଲିବ୍ରେଟି ସାମିଲ ହୋଇଥିଲେ। ୨୦୧୯ ମାର୍ଚ୍ଚ ମାସରୁ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା। ୨୦୨୦ରେ ଉଭୟେ ବିବାହ କରିଛନ୍ତି।
ସୂଚନାଯୋଗ୍ୟ, ଜନ୍ ୧୬ ଥର ବିଶ୍ୱ ରେସଲିଂ ଏଣ୍ଟରଟେନମେଣ୍ଟ ଚାମ୍ପିୟନ ହୋଇଛନ୍ତି। ସେହିପରି ସେ ହଲିଉଡ ଚଳଚ୍ଚିତ୍ରରେ ମଧ୍ୟ ଅଭିନୟ କରି ବେଶ ଲୋକପ୍ରିୟତା ଅର୍ଜନ କରିଛନ୍ତି।