ଡବ୍ଲୁଡବ୍ଲୁଇ ସୁପରଷ୍ଟାର ଟ୍ରିପଲ ଏଚ ବିରାଟ କୋହଲିଙ୍କ ନେତୃତ୍ୱାଧୀନ ଟିମ ଇଣ୍ଡିଆକୁ ଏକ କ୍ରିକେଟ ମ୍ୟାଚ ପାଇଁ ଚ୍ୟାଲେଞ୍ଜ ଦେଇଛନ୍ତି। ଡବ୍ୟୁଡବ୍ଲ୍ୟୁଇର ଏକ ବଡ ଶୋ ଭାରତୀୟ ଦର୍ଶକଙ୍କୁ ଧ୍ୟାନରେ ରଖି ପ୍ରସ୍ତୁତ କରାଯାଇଛି, ଯାହା ସୋନି ନେଟୱାର୍କରେ ଜାନୁଆରୀ ୨୬ରେ ପ୍ରସାରଣ ହେବ। ଏହି ଶୋ’ରେ ୧୦ଟି ଭାରତୀୟ ଡବ୍ଲୁଡବ୍ଲୁଇ ସୁପରଷ୍ଟାର ସହିତ କିଛି ଆନ୍ତର୍ଜାତୀୟ ଡବ୍ଲୁଡବ୍ଲୁଇ କିମ୍ବଦନ୍ତୀ ଏବଂ ସୁପରଷ୍ଟାରଙ୍କ ସହିତ ସ୍କ୍ରିନ କରାଯିବ। ଟ୍ରିପଲ ଏଚ ଏକ ସାକ୍ଷାତକାରରେ ଭାରତୀୟ ସଂସ୍କୃତି ପ୍ରତି ତାଙ୍କର ଭଲପାଇବା ଏବଂ ଭାରତୀୟ ଦର୍ଶକ ତାଙ୍କ ପାଇଁ କିପରି ସ୍ବତନ୍ତ୍ର ତାହା ସେ କହିଥିଲେ। ଟ୍ରିପଲ କହିଛନ୍ତି ଯେ, ଭାରତୀୟ ଡବ୍ଲୁଡବ୍ଲୁଇ ସୁପରଷ୍ଟାରଙ୍କ ସହ ହୋଇଥିବା ସ୍ବତନ୍ତ୍ର ଶୋ ପାଇଁ ସେ ବହୁତ ଉତ୍ସାହିତ ଥିବା ସେ କହିଛନ୍ତି। ଭାରତୀୟ କ୍ରିକେଟ ଦଳ ଏବଂ ଟପ ଡବ୍ଲୁଡବ୍ଲୁଇ ସୁପରଷ୍ଟାରଙ୍କ ମଧ୍ୟରେ ମୁହାଁମୁହିଁ ହେଳେ କ’ଣ ହେବ ପ୍ରଶ୍ନର ଉତ୍ତରରେ ଟ୍ରିପଲ୍ କହିଛନ୍ତି ଯେ, ମୋତେ ଏକ ସୁଯୋଗ ଦିଅ। ମୁଁ ଏବେ ଭାରତୀୟ କ୍ରିକେଟ ଦଳ ଏବଂ ଡବ୍ଲୁଡବ୍ଲୁଇ ଇଣ୍ଡିଆନ ସୁପରଷ୍ଟାର ମଧ୍ୟରେ ଏକ ମ୍ୟାଚ ଖେଲିବାକୁ ପ୍ରସ୍ତୁତ। ସେ କହିଛନ୍ତି ଯେ ମ୍ୟାଚ ପାଇଁ ମୋତେ ସମୟ ଏବଂ ସ୍ଥାନ ଦରକାର, ଯଦି ମୁଁ ବ୍ୟାଟିଂ କରିବାକୁ ସୁଯୋଗ ପାଏ ତେବେ ମୁଁ ଭଲ ପ୍ରଦର୍ଶନ କରିପାରିବି କିନ୍ତୁ ସଚିନ ତେନ୍ଦୁଲକରଙ୍କ ପରି ହୋଇପାରିବି ନାହିଁ ବୋଲି ସେ କହିଛନ୍ତି।