ଟୋକିଓ,୨।୮: ଜର୍ମାନୀର ଆଲେକଜାଣ୍ଡର ଜେଭେରେଭ ଟୋକିଓ ଅଲିମ୍ପିକ୍ସ ପୁରୁଷ ସିଙ୍ଗଲ୍ସ ଇଭେଣ୍ଟରେ ସ୍ବର୍ଣ୍ଣ ପଦକ ହାସଲ କରିଛନ୍ତି। ରବିବାର ଅନୁଷ୍ଠିତ ଫାଇନାଲ ମ୍ୟାଚ୍ରେ ବିଶ୍ୱର ୫ ନମ୍ବର ଖେଳାଳି ଜେଭେରେଭ ରୁଷିଆର କରନ ଖାଚାନୋଭଙ୍କୁ ୬-୩, ୬- ୧ ସେଟ୍ରେ ପରାସ୍ତ କରି ଚାମ୍ପିୟନ ହୋଇଛନ୍ତି। ଏଥିସହ ସେ କ୍ୟାରିୟରର ସର୍ବବୃହତ୍ ଟାଇଟଲ ହାସଲ କରିଛନ୍ତି। ୬ ଫୁଟ୍ ୬ ଇଞ୍ଚ ଉଚ୍ଚତାବିଶିଷ୍ଟ ଜେଭେରେଭ ବିଗ୍ ସର୍ଭ ଓ ଟୁ ହ୍ୟାଣ୍ଡେଡ ବ୍ୟାକହ୍ୟାଣ୍ଡ ପାଇଁ ସହଜରେ ବିଜୟ ହାସଲ କରିଥିଲେ ଓ ୨୫ତମ ର଼୍ୟାଙ୍କର ଖାଚାନୋଭଙ୍କୁ କୌଣସି ସୁଯୋଗ ଦେଇ ନ ଥିଲେ। ପୂର୍ବରୁ ଜେଭେରେଭ ଗତବର୍ଷ ୟୁଏସ୍ ଓପନ ପୁରୁଷ ସିଙ୍ଗଲ୍ସ ଫାଇନାଲରେ ପ୍ରବେଶ କରି ଶ୍ରେଷ୍ଠ ପ୍ରଦର୍ଶନ କରିଥିଲେ। ଫାଇନାଲରେ ସେ ଡୋମିନିକ ଥିମ୍ଙ୍କଠାରୁ ହାରିଥିଲେ। ପୂର୍ବରୁ ନୋଭାକ ଜୋକୋଭିଚ୍ ଓ ରୋଜର ଫେଡରରଙ୍କ ଭଳି ଖେଳାଳି ପରାସ୍ତ ହୋଇ ବିଦା ହୋଇସାରିଛନ୍ତି।