ବେଜିଂ,୧୯।୧୨ : ଚାଇନା ରାଷ୍ଟ୍ରପତି ଶି ଜିନପିଙ୍ଗଙ୍କ ଆଉ ଏକ କୌଶଳ ସାମ୍ନାକୁ ଆସିଛି। ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ଚାଇନା ବିଶ୍ୱରେ ନିଜର ଭାବମୂର୍ତ୍ତିକୁ ସୁଦୃଢ଼ କରିବା ପାଇଁ ମିଡିଆ ସଂସ୍ଥାରେ ବହୁ ଅର୍ଥ ଖର୍ଚ୍ଚ କରୁଛି। ଏତେ ପରିମାଣର ଅର୍ଥ ମାଧ୍ୟମରେ ଗଣମାଧ୍ୟମ ପ୍ରତିଷ୍ଠାନଗୁଡ଼ିକୁ ବିଶ୍ୱ ପ୍ରତିଯୋଗୀ ଭାବରେ ପରିଣତ କରିବାକୁ ଚେଷ୍ଟା କରାଯାଉଛି । ଯାହା ଦ୍ୱାରା ଚାଇନାର ଅର୍ଥନୈତିକ ନୀତି ସଶକ୍ତ ହୋଇପାରିବ।
ୱାଶିଂଟନ ଡିସି ଭିତ୍ତିକ ଭୋଏ ମାନ୍ଦାରିନକୁ ଦେଇଥିବା ଏକ ସାକ୍ଷାତକାରରେ ଦକ୍ଷିଣ ପୂର୍ବ ଏସିଆର ଜୋଶୁଆ କୁର୍ଲାଣ୍ଟଜିକ କହିଛନ୍ତି ଯେ ଚାଇନା ସରକାର ଏହାର ରାଜ୍ୟ ଗଣମାଧ୍ୟମ ଚାଇନା ଗ୍ଲୋବାଲ ଟେଲିଭିଜନ ନେଟୱାର୍କ, ଚାଇନା ରେଡିଓ ଇଣ୍ଟରନ୍ୟାସନାଲରେ ବହୁ ଅର୍ଥ ଖର୍ଚ୍ଚ କରୁଛନ୍ତି। ବ୍ୟବସାୟ ଅନୁକୁଳ ଦେଶ ଭାବରେ ଚାଇନାର ଭାବମୂର୍ତ୍ତିକୁ ବିଶ୍ୱସ୍ତରରେ ପ୍ରୋଜେକ୍ଟ କରିବା ପାଇଁ ଏହା କରାଯାଉଛି। ତେବେ ଏହି ବୃହତ ରାଜ୍ୟ ଗଣମାଧ୍ୟମଗୁଡ଼ିକ ମଧ୍ୟରୁ ଅଧିକାଂଶ ସମ୍ପୂର୍ଣ୍ଣ ବିଫଳ ହୋଇଛନ୍ତି।
କୁର୍ଲାଣ୍ଟଜିକ କହିଛନ୍ତି ଯେ ପ୍ରାୟ ପାଞ୍ଚ କିମ୍ବା ଛଅ ବର୍ଷ ପୂର୍ବେ ଚାଇନା ଏକ ବିଶ୍ୱ ଗଣମାଧ୍ୟମ ଏବଂ ସୂଚନା ବ୍ୟବସ୍ଥା ଗଠନ କରିବାକୁ ଚେଷ୍ଟା କରୁଛି। ବିଶ୍ୱସ୍ତରୀୟ ଗଣମାଧ୍ୟମ ଆଲୋଚନାରେ ଚାଇନା ଏକ ବଡ଼ ଭୂମିକା ଗ୍ରହଣ କରିବାକୁ ଚେଷ୍ଟା କରୁଛି।