ରାୟପୁର, ୧୮।୭: ଦେଶରେ କରୋନା ମହାମାରୀ ସଂକ୍ରମଣ ଜାରି ରହିଛି। ଏପରିସ୍ଥଳେ ଛତିଶଗଡ଼ରେ ଯମରାଜ ଏବଂ ଚିତ୍ରଗୁପ୍ତଙ୍କ ଯୋଡ଼ି ରାଜରାସ୍ତାରେ ବୁଲିବୁଲି ଲୋକଙ୍କୁ କରୋନା ସଂକ୍ରମଣରୁ ଦୂରେଇ ରହିବା ଲାଗି ସଚେତନ କରାଇବା ଆରମ୍ଭ କରିଛନ୍ତି। ସାମାଜିକ ଦୂରତା ଅବଲମ୍ବନ, ମାସ୍କ୍ ପିନ୍ଧିବା ଏବଂ ନିୟମିତ ବ୍ୟବଧାନରେ ହାତ ଧୋଇବା ଆଦି ନେଇ ସେମାନେ ସଚେତନ କରାଉଛନ୍ତି। ଏହା ସହିତ ସେମାନେ ଟ୍ରାଫିକ୍ ନିୟମ ପାଳନ କରିବାକୁ ମଧ୍ୟ ଲୋକଙ୍କୁ ଅନୁରୋଧ କରୁଛନ୍ତି। ଏହାର ୧ ମିନିଟ୍ ୧୭ ସେକେଣ୍ଡର ଏକ ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ଭିଡ଼ିଓରେ ଅମାନିଆଙ୍କ ନାମ ପଚାରି ଚିତ୍ରଗୁପ୍ତ ପାଞ୍ଜି ଦେଖୁଥିବାର ଦୃଶ୍ୟ ରହିଛି। ଏହି ଭିଡ଼ିଓ ଉପରେ ବିଭିନ୍ନ ୟୁଜର ଭିନ୍ନ ଭିନ୍ନ ରୋଚକ ମନ୍ତବ୍ୟ ଦେବାରେ ଲାଗିଛନ୍ତି।
