ନୂଆଗାଁ,୨୮।୧୧(ଡି.ଏନ.ଏ.): ସରକାର ଗରିବ, ଦୁଃଖୀଙ୍କ ପାଇଁ ବିଭିନ୍ନ ଯୋଜନା ପ୍ରଣୟନ କରିଛନ୍ତି। ହେଲେ ପ୍ରକୃତ ହିତାଧିକାରୀ ସେଥିରୁ ବଞ୍ଚତ୍ତ ହୋଇଥିବା ଅଭିଯୋଗ ହୋଇଛି। ନୟାଗଡ଼ ଜିଲା ନୂଆଗାଁ ବ୍ଲକ ବେରୁହାଁବାରି ପଞ୍ଚାୟତ ଅଧୀନ ଆଦିବାସୀ ଗ୍ରାମ ମଧୁବନର ବିଧବା ମହିଳା ଯମୁନା କହଁର ଏହାର ଜ୍ଜ୍ୱଳନ୍ତ ଉଦାହରଣ ସାଜିଛନ୍ତି।ଯମୁନାଙ୍କୁ ୮୦ ବର୍ଷ ପାର ହେଲାଣି । ହେଲେ ଆଜି ପର୍ଯ୍ୟନ୍ତ ସେ କୌଣସି ସରକାରୀ ଯୋଜନାରେ ସାମିଲ ହୋଇପାରି ନାହାନ୍ତି। ସତେ ଯେପରି ତାଙ୍କ ପାଇଁ ସରକାରଙ୍କ କଲ୍ୟାଣ ଯୋଜନା ସାତ ସପନ ପାଲଟିଛି। ନା ତାଙ୍କୁ ମିଳୁଛି ଭତ୍ତା ନା ଖାଦ୍ୟ ସୁରକ୍ଷା ଯୋଜନାରେ ରାଶନ ସାମଗ୍ରୀ । ଯମୁନାଙ୍କ ପରିବାର କହିଲେ ୩ ପୁଅ ଓ ୩ ଝିଅ । ବିବାହ ପରେ ସମସ୍ତେ ନିଜ ନିଜ ପରିବାର ସହିତ ରହୁଛନ୍ତି। ଯମୁନା ସାନ ପୁଅଙ୍କ ପାଖରେ ଅଛନ୍ତି। ହିତାଧିକାରୀଙ୍କୁ ୬୦ ବର୍ଷ ହେଲେ କିମ୍ବା କୌଣସି ମହିଳା ବିଧବା ପରେ ତାଙ୍କୁ ସରକାର ପେନସନ ଯୋଜନାରେ ଭତ୍ତା ଯୋଗାଇ ଦେବାର ବ୍ୟବସ୍ଥା ରହିଛି।
କିନ୍ତୁ ଯମୁନା ବୟସର ଅପରାହ୍ନରେ ପହଞ୍ଚତ୍ ସାରିଥିଲେ ମଧ୍ୟ ଅଦ୍ୟାବଧି ଭତ୍ତା ପାଇବାରୁ ବଞ୍ଚତ୍ତ ହୋଇଛନ୍ତି। ସେହିପରି କେନ୍ଦ୍ର ଏବଂ ରାଜ୍ୟ ସରକାର ଖାଦ୍ୟ ସୁରକ୍ଷା ଆଇନ ବଳରେ ଦାରିଦ୍ର୍ୟର ସୀମାରେଖା ତଳେ ରହୁଥିବା ଗରିବ ଲୋକଙ୍କୁ ଚିହ୍ନଟ କରି ରାଶନ ସାମଗ୍ରୀ ଯୋଗାଇ ଦେବାର ବ୍ୟବସ୍ଥା କରିଛନ୍ତି। କିନ୍ତୁ ଖାଦ୍ୟ ସୁରକ୍ଷା ଯୋଜନାରୁ ବଞ୍ଚତ୍ତ ହୋଇଛନ୍ତି ଯମୁନା । ସାନ ପୁଅ ଯାହା ରୋଜଗାର କରୁଛି ସେଥିରେ ଆମେ ଦୁଃଖେକଷ୍ଟେ ଚଳୁଛୁ ବୋଲି କହିଛନ୍ତି ଏହି ବୃଦ୍ଧା। କେବଳ ଯମୁନା ନୁହଁନ୍ତି, ଏହି ବ୍ଲକ୍ର ବହୁ ହିତାଧିକାରୀ ଭତ୍ତା ଓ ରାଶନ ସାମଗ୍ରୀ ପାଉ ନ ଥିବା ଅଭିଯୋଗ ହୋଇଛି। ଏ ସଂକ୍ରାନ୍ତରେ ନୂଆଗାଁ ବିଡିଓ ପ୍ରମୋଦ କୁମାର ନାୟକଙ୍କୁ ପଚାରିବାରେ ଯମୁନା ସରକାରୀ ଯୋଜନାରେ କିପରି ସାମିଲ ହେବେ ସେ ସଂକ୍ରାନ୍ତରେ ଖୁବ୍ଶୀଘ୍ର ବ୍ୟବସ୍ଥା କରାଯିବ ବୋଲି ସେ ପ୍ରତିଶ୍ରୁତି ଦେଇଛନ୍ତି।