ମୁମ୍ବାଇ: ‘କେଜିଏଫ୍’ ଜରିଆରେ ଅନେକ ସୁନାମ ଆଣିଥିବା ଅଭିନେତା ୟଶ୍ଙ୍କ ଆଗାମୀ ଫିଲ୍ମକୁ ପ୍ରଶଂସକ ଅପେକ୍ଷା କରିଛନ୍ତି। ତେବେ ନିକଟରେ ୟଶ୍ ସୋସିଆଲ ମିଡିଆରେ ଏକ ଟିଜର ଜାରିକରି ତାଙ୍କ ଫିଲ୍ମର ଟାଇଟଲ ବାବଦରେ ଜଣାଇଛନ୍ତି। ଟିଜର୍ରୁ ତାଙ୍କ ଫିଲ୍ମର ନାମ ‘ଟକ୍ସିକ୍’ ବୋଲି ସ୍ପଷ୍ଟ ହୋଇଛି। ଏଥିରେ ୟଶ୍ ହାତରେ ଏକ ସିଗାରେଟ୍ ଏବଂ ମୁଣ୍ଡରେ ଟୋପି ପିନ୍ଧିଥିବା ନଜରକୁ ଆସିଛନ୍ତି। ମାଲୟାଲମ୍ ଫିଲ୍ମର ପ୍ରଯୋଜକ ଗୀତୁ ମୋହନଦାସ ଏଥିରେ ନିର୍ଦ୍ଦେଶନା ଦେଉଛନ୍ତି। ୨୦୨୫ ଏପ୍ରିଲ ୧୦ରେ ଏହି ଫିଲ୍ମ ପରଦାକୁ ଆସିବ। ୟଶ୍ଙ୍କ ବିପକ୍ଷରେ ଦକ୍ଷିଣର ଲୋକପ୍ରିୟ ଅଭିନେତ୍ରୀ ସାଇପଲ୍ଲବୀ ଦେଖାଯାଇ ପାରନ୍ତି ବୋଲି ଚର୍ଚ୍ଚା ହେଉଛି। ଫିଲ୍ମର କାହାଣୀ ଡ୍ରଗ୍ସ ମାଫିଆଙ୍କ ଉପରେ ଆଧାରିତ ହେବ। ଏହା ଏକ ହାଇ ବଜେଟ ଫିଲ୍ମ ହେବ ବୋଲି ଜଣାପଡ଼ିଛି। ତେବେ ୨୦୦୭ରେ ୟଶ୍ ତାଙ୍କ ଅଭିନୟ ଆରମ୍ଭ କରିଥିଲେ। ଏହାପରେ ସେ ଅନେକ ଚଳଚ୍ଚିତ୍ର କରିଛନ୍ତି। ତେବେ ଶେଷ ଥର ପାଇଁ ୟଶ୍ ‘କେଜିଏଫ୍ ୨’ରେ ନଜରକୁ ଆସି ପ୍ରଶଂସକଙ୍କ ପ୍ରିୟ ହୋଇପାରିଛନ୍ତି। ଏଥିସହ ସେ ଅନେକ ଟେଲିଭିଜନରେ ମଧ୍ୟ ନଜରକୁ ଆସିଛନ୍ତି।
