ମୁମ୍ବାଇ,୨୪।୫: ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍) ୨୦୨୨ରେ ବେବି ଏବିଙ୍କ ପରେ ଏବେ ‘ବେବି ଗାଙ୍ଗୁଲି’ଙ୍କ ଏଣ୍ଟ୍ରି। ମଙ୍ଗଳବାର ଗୁଜରାଟ ଟାଇଟନ୍ସ ବିପକ୍ଷ ପ୍ରଥମ କ୍ୱାଲିଫାୟାର ମ୍ୟାଚ୍ରେ ରାଜସ୍ଥାନ ରୟାଲ୍ସ ପକ୍ଷରୁ ଖେଳିବେ ସେ। ଏନେଇ ରାଜସ୍ଥାନ ପକ୍ଷରୁ ଏକ ଭିଡିଓ ପୋଷ୍ଟ କରି ସୂଚନା ଦିଆଯାଇଛି। ଭିଡିଓରେ ଯଶସ୍ବୀ ଜୈସଓ୍ବାଲଙ୍କ ତୁଳନା ଗାଙ୍ଗୁଲିଙ୍କ ସହ କରାଯାଇଛି। ଏଥିରେ ପ୍ରଶଂସକ ଭଳିକି ଭଳି ପ୍ରତିକ୍ରିୟା ରଖୁଛନ୍ତି। କିଛି ଯଶସ୍ବୀଙ୍କ ବ୍ୟାଟିଂକୁ ଗାଙ୍ଗୁଲିଙ୍କ ସହ ତୁଳନା କରୁଥିବା ଦେଖାଯାଉଛି।
𝘉𝘢𝘣𝘺 𝘎𝘢𝘯𝘨𝘶𝘭𝘺 in full flow at the Eden Gardens. 🏟🔥#RoyalsFamily | #ShowerCooler | @DettolIndia | @ybj_19 pic.twitter.com/zUPk5Lz128
— Rajasthan Royals (@rajasthanroyals) May 24, 2022
ଯଶସ୍ବୀ ପ୍ଲେଅଫ୍ ପୂର୍ବରୁ ଜବରଦସ୍ତ ଫର୍ମରେ ରହିଆସୁଛନ୍ତି। ସେ ଏଯାବତ ୭ ମ୍ୟାଚ୍ ଖେଳିଥିବା ବେଳେ ସେଥିରେ ୨୧୨ ରନ୍ କରିଛନ୍ତି। ଏଥିରେ ୨ ଅର୍ଦ୍ଧଶତକ ରହିଛି।
କହିରଖୁଛୁ, କୋଲକାତାର ଇଡେନ ଗାର୍ଡେନ୍ସରେ ଗୁଜରାଟ ଏବଂ ରାଜସ୍ଥାନ ମଧ୍ୟରେ ପ୍ରଥମ କ୍ୱାଲିଫାୟାର ମୁକାବିଲା ଖେଳାଯିବ। ଏଥିରେ ବିଜେତା ଦଳ ସିଧା ସିଧା ଫାଇନାଲରେ ପ୍ରବେଶ କରିବ। ସେହିଭଳି ପରାଜିତ ଟିମ୍ ଦ୍ୱିତୀୟ କ୍ୱାଲାଫାୟାରରେ ଭାଗ ନେବାର ସୁଯୋଗ ମିଳିବ।
