କୋଲକାତା,୨୧।୪: ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଶେଷ ଥର ପାଇଁ ୨୦୨୨ରେ ଇଣ୍ଡିଆନ ପ୍ରିମିୟର ଲିଗରେ ପ୍ଲେ ଅଫରେ ପହଞ୍ଚିଥିଲା। ଆଜି ଖେଳାଯାଇଥିବା ରୋମାଞ୍ଚକର ମ୍ୟାଚରେ କେକେଆର ୧ ରନ୍ରେ ଆରସିବିକୁ ପରାସ୍ତ କରିଛି। ଏହାପୂର୍ବରୁ ୨୦୨୩ରେ ମଧ୍ୟ ବେଙ୍ଗାଲୁରୁ ପ୍ଲେ ଅଫରେ ପହଞ୍ଚି ପାରି ନ ଥିଲା ଏବଂ ବର୍ତ୍ତମାନ ଆଇପିଏଲ ୨୦୨୪ରେ ମଧ୍ୟ ଦଳର ଅବସ୍ଥା ଅତ୍ୟନ୍ତ ଖରାପ ହୋଇଯାଇଛି। ଫାଫ ଡୁ ପ୍ଲେସିସଙ୍କ ଅଧିନାୟକତ୍ୱରେ ବେଙ୍ଗାଲୁରୁ ଚଳିତ ସିଜନରେ ଏପର୍ଯ୍ୟନ୍ତ ଖେଳାଯାଇଥିବା ୮ଟି ମ୍ୟାଚ୍ ମାତ୍ର ୧ ବିଜୟ ହାସଲ କରିଛି। ଆରସିବିରେ ବର୍ତ୍ତମାନ ୨ ପଏଣ୍ଟ ରହିଛି ଏବଂ ପଏଣ୍ଟ ଟେବୁଲରେ ଦଳ ଶେଷ ସ୍ଥାନରେ ଅଛି। ଏଠାରୁ ଯଦିଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏହାର ଅବଶିଷ୍ଟ ୬ଟି ମ୍ୟାଚ ଜିତିଲେ ମଧ୍ୟ ପ୍ଲେ ଅଫ ରେ ପହଞ୍ଚିବା କଷ୍ଟକର ହୋଇଯିବ। ବେଙ୍ଗାଲୁରୁ ପାଇଁ ଏହା ଏକ ନୂଆ କଥା ନୁହେଁ,କାରଣ ଆଇପିଏଲ ୨୦୨୩ରେ ମଧ୍ୟ ଏମିତି ପ୍ରଦର୍ଶନ କରି ଚକ୍ରରେ ି ଦଳ ପ୍ଲେ ଅଫ ସ୍ଥାନ ସୁରକ୍ଷିତ କରିପାରି ନ ଥିଲା।
ଆଇପିଏଲ ୨୦୨୪ରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ କେବଳ ପଞ୍ଜାବ କିଙ୍ଗସ ବିପକ୍ଷରେ ଆସିଥିଲା। ସେମାନେ ସେହି ମ୍ୟାଚକୁ ୪ ଉଇକେଟରେ ଜିତିଥିଲେ। ଏହା ପରେ ହାଇଦ୍ରାବାଦ, ଲକ୍ଷ୍ନୌ, ରାଜସ୍ଥାନ ଏବଂ ମୁମ୍ବାଇ ବିପକ୍ଷରେ ଆରସିବିକୁ ଦୁଇଥର ଏବଂ ଥରେ କୋଲକାତା ମୁକାବିଲା କରିବାକୁ ପଡିବ। ଆଇପିଏଲ ୨୦୧୯ରେ ଆରସିବି କ୍ରମାଗତ ୭ଟି ମ୍ୟାଚ ହାରିଥିଲା ଏବଂ ବର୍ତ୍ତମାନ ଦଳ ସେହି ଲଜ୍ଜାଜନକ ରେକର୍ଡ ଭାଙ୍ଗିବାକୁ ନିକଟତର ହୋଇଛି କାରଣ ଏହି ସିଜନରେ ଦଳ କ୍ରମାଗତ ୬ଟି ମ୍ୟାଚ ହାରିଛି। ଯଦି ଆରସିବି ଏଠାରୁ ବାକି ସମସ୍ତ ୬ଟି ମ୍ୟାଚ ଜିତେ, ତେବେ ସେମାନେ ୧୪ ପଏଣ୍ଟ ପାଇବାକୁ ସକ୍ଷମ ହେବେ। ପଏଣ୍ଟ ଟେବୁଲରେ ପ୍ରଥମ ସ୍ଥାନରେ ଥିବା ରାଜସ୍ଥାନ ରୟାଲ୍ସ ମାତ୍ର ୭ଟି ମ୍ୟାଚରେ ୧୨ ପଏଣ୍ଟ ସଂଗ୍ରହ କରିଛି ଏବଂ ଅନ୍ୟ ଦଳ ମଧ୍ୟ ତାର ଅଧିକ ପଛରେ ନାହାଁନ୍ତି। ଏଭଳି ପରିସ୍ଥିତିରେ ବେଙ୍ଗାଲୁରୁର ପ୍ଲେ ଅଫରେ ପହଞ୍ଚିବାର ଆଶା ପ୍ରାୟ ଶେଷ ହୋଇଯାଇଛି।