ବିଗତ ଦିନର ଅଭିନେତ୍ରୀ ଯୋଗିତା ବାଲିଙ୍କର ଏକ ସ୍ବଳ୍ପ ଚଳଚ୍ଚିତ୍ର କ୍ୟାରିୟର ହୋଇଥାଇପାରେ କିନ୍ତୁ ଫିଲ୍ମ ଇଣ୍ଡଷ୍ଟ୍ରିରେ ବଡ କଳାକାରଙ୍କ ସହ ସେ କାମ କରିଥିଲେ। ସେ ଡେବ୍ୟୁ ଚଳଚ୍ଚିତ୍ରରେ ଅମିତାଭ ବଚ୍ଚନଙ୍କ ଭଳି ଷ୍ଟାରଙ୍କ ସହ ଅଭିନୟ କରିଥିଲେ ଯୋଗିତା। ଏହସହ ମଧ୍ୟ ଶାତୃଘ୍ନ ସିହ୍ନା, ଦେବ ଆନନ୍ଦ ଏବଂ ସଞ୍ଜୀବ କୁମାରଙ୍କ ସହ ଅନସ୍କ୍ରିନରେ ଅଭିନୟ କରିଥିଲେ। ଯୋଗିତା ବାଲି ୧୩ ଅଗଷ୍ଟ ୧୯୫୨ରେ ଜନ୍ମଗ୍ରହଣ କରିଥିଲେ। ଯୋଗିତା ବାଲି ୭୦ରୁ ୮୦ ଦଶକ ମଧ୍ୟରେ ଅନେକ ଚଳଚ୍ଚିତ୍ରରେ ଅଭିନୟ କରିଥିଲେ। ଏହି ସମୟରେ କିଶୋର କୁମାର ତାଙ୍କ ଜୀବନକୁ ଆସିଥିଲେ। ଏହାପରେ ସବୁକିଛି ବଦଳିଗଲା। ଯୋଗିତା ବାଲି କିଶୋର କୁମାରଙ୍କ ସହ ଅନେକ ଚଳଚ୍ଚିତ୍ରରେ କାମ କରିଥିଲେ। ୟ କାମ କରିବାବେଳେ ସେ କିଶୋର କୁମାରଙ୍କୁ ହୃଦୟ ଦେଇ ବସିଥିଲେ। ଯୋଗିତା ବାଲି କିଶୋର କୁମାରଙ୍କ ସହ ଏତେ ମାତ୍ରାରେ ଆକର୍ଷିତ ହୋଇଥିଲେ ଯେ ସେ ତାଙ୍କୁ ବିବାହ କରିଥିଲେ।
କିନ୍ତୁ ବିବାହର କିଛି ସମୟ ପରେ ଯୋଗିତା ବାଲି ଏବଂ କିଶୋରଙ୍କ ମଧ୍ୟରେ ଝଗଡା ହୋଇଥିଲା। ପରେ ଦୁହେଁ ଅଲଗା ହୋଇଗଲେ। ଉଭୟଙ୍କ ବିବାହ ମାତ୍ର ଦୁଇ ବର୍ଷ ଧରି ଚାଲିଥିଲା। ଯୋଗିତାଙ୍କ ସହିତ ଏହା କିଶୋର କୁମାରଙ୍କର ତୃତୀୟ ବିବାହ ଥିଲା। ଛାଡପତ୍ରର କିଛି ଦିନ ପରେ କିଶୋର କୁମାର ଚତୁର୍ଥ ଥର ବିବାହ କରିଥିଲେ। ଏଠାରେ ଯୋଗିତା ବାଲି ମଧ୍ୟ ଛାଡପତ୍ର ପରେ ଏକୁଟିଆ ହୋଇଯାଇଥିଲେ। ପରେ ତାଙ୍କର ଅଭିନେତା ମିଥୁନ ଚକ୍ରବର୍ତ୍ତୀଙ୍କ ସହ ଭେଟ ହୋଇଥିଲା। କିଛି ଦିନ ଏକାଠି ରହିବା ପରେ ମିଥୁନ ଏବଂ ଯୋଗିତା ବିବାହ କରିବାକୁ ନିଷ୍ପତ୍ତି ନେଇଥିଲେ। ଯୋଗିତା ବାଲି ମିଥୁନ ଚକ୍ରବର୍ତ୍ତୀଙ୍କୁ ବିବାହ କରିବା ପରେ ଚଳଚ୍ଚିତ୍ରରେ କାମ ଜାରି ରଖିଥିଲେ। କିନ୍ତୁ ୧୯୮୯ରେ ସେ ଫିଲ୍ମରୁ ବିଦାୟ ଦେଇଥିଲେ।