ପ୍ୟାରିସ,୨।୯: ପ୍ୟାରିସ ପାରାଲିମ୍ପିକ୍ସରେ ଭାରତ ଅଷ୍ଟମ ପଦକ ପାଇଛି। ଯୋଗେଶ କଥୁନିଆ ଡିସକସ୍ ଥ୍ରୋରେ ଭାରତ ପାଇଁ ରୌପ୍ୟ ପଦକ ଆଣିଛନ୍ତି। ସେ ପୁରୁଷ ଡିସକସ୍ ଥ୍ରୋ ଏଫ୍୫୬ ଇଭେଣ୍ଟରେ ରୌପ୍ୟ ପଦକ ନିଜ ନାଁରେ କରିଛନ୍ତି। ଯୋଗେଶ କଥୁନିୟାଙ୍କ ପ୍ରଥମ ଥ୍ରୋ ୪୨.୨୨ମିଟର ଥିଲା। ଏହା ପରେ ଦ୍ୱିତୀୟ, ତୃତୀୟ, ଚତୁର୍ଥ ଏବଂ ପଞ୍ଚମ ଯଥାକ୍ରମେ ୪୧.୫୦ମିଟର, ୪୧.୫୫ ମିଟର, ୪୦.୩୩ ମିଟର ଏବଂ ୪୦.୮୯ ମିଟର ଥିଲା। ବର୍ତ୍ତମାନ ପଦକ ତାଲିକାରେ ଭାରତ ୩୦ତମ ସ୍ଥାନରେ ରହିଛି। ଭାରତ ବର୍ତ୍ତମାନ ପର୍ଯ୍ୟନ୍ତ ୧ଟି ସ୍ବର୍ଣ୍ଣ ପଦକ ବ୍ୟତୀତ ଭାରତୀୟ ୩ଟି ରୌପ୍ୟ ପଦକ ଏବଂ ୪ଟି ବ୍ରୋଞ୍ଜ ପଦକ ଜିତିଛି।
ଆଜି ପ୍ୟାରିସ ପାରାଲିମ୍ପିକ ଗେମ୍ସର ପଞ୍ଚମ ଦିନରେ ଯୋଗେଶ କଥୁନିଆ ରୌପ୍ୟ ପଦକ ଜିତି ଇତିହାସ ସୃଷ୍ଟି କରିଛନ୍ତି। ବାସ୍ତବରେ ଯୋଗେଶ ପୂର୍ବରୁ ଟୋକିଓ ଅଲିମ୍ପିକ୍ସ ୨୦୨୦ରେ ରୌପ୍ୟ ପଦକ ଜିତିଥିଲେ। ଏଭଳି ସ୍ଥଳେ ସେ କ୍ରମାଗତ ଦ୍ୱିତୀୟ ପାରାଲିମ୍ପିକ ଗେମ୍ସରେ ରୌପ୍ୟ ପଦକ ଜିତି ଏକ ବଡ଼ ସ୍ଥାନ ହାସଲ କରିଛନ୍ତି। ବର୍ତ୍ତମାନ ଭାରତର ପଦକ ସଂଖ୍ୟା ୮ରେ ପହଞ୍ଚିଛି। ଭାରତୀୟ ଶୁଟର ଅବନୀ ଲେଖରା ମହିଳା ୧୦ ମିଟର ଏୟାର ରାଇଫଲରେ ସ୍ବର୍ଣ୍ଣ ପଦକ ଏବଂ ମାନା ଅଗ୍ରୱାଲ ଏହି ଇଭେଣ୍ଟର ବ୍ରୋଞ୍ଜ ପଦକ ଜିତିଥିଲେ।
