ଜାକର୍ତ୍ତା,୧୫ା୧: ଏସିଆ ଅଲିମ୍ପିକ କ୍ୱାଲିଫାୟର୍ସରେ ଭାରତୀୟ ଶୁଟରମାନଙ୍କ ଆଧିପତ୍ୟ ଜାରି ରହିଛି। ସୋମବାର ଯୋଗେଶ ସିଂ ଦୁଇ ସ୍ବର୍ଣ୍ଣ ପଦକ ଲାଭ କରିଛନ୍ତି। ପୁରୁଷ ୨୫ ମିଟର ସେଣ୍ଟର ଫାୟାର ପିସ୍ତଲ ପ୍ରତିଯୋଗିତାର ଉଭୟ ସିଙ୍ଗଲ୍ସ ଓ ଟିମ୍ ଇଭେଣ୍ଟରେ ସ୍ବର୍ଣ୍ଣ ପଦକ ଲାଭ କରିଛନ୍ତି। ଯୋଗେଶ ୫୭୩ ଶୁଟ୍ କରି ବ୍ୟକ୍ତିଗତ ବିଭାଗରେ ସ୍ବର୍ଣ୍ଣ ଜିତିଥିଲେ। ଓମାନର ମୁଆଦ ଅଲ୍ ବାଲୁଶି ଓ ଇଣ୍ଡୋନେସିଆର ଅନଙ୍ଗ ୟୁଲିଆଣ୍ଟୋଯଥାକ୍ରମେ ରୌପ୍ୟ ଓ ବ୍ରୋଞ୍ଜ ଜିତିଛନ୍ତି। ଇଭେଣ୍ଟରେ ଭାଗନେଇଥିବା ଅନ୍ୟ ଦୁଇ ପ୍ରତିଯୋଗୀ ପଙ୍କଜ ଯାଦବଓ ଅକ୍ଷୟ ଜୈନ ଯଥାକ୍ରମେ ୪ର୍ଥ ଓ ୫ମ ହୋଇଥିଲେ। ଭାରତର ୩ଜଣ ମୋଟ ୧୭୦୪ ପଏଣ୍ଟ ଅର୍ଜନ କରି ଓମାନ ଓ ଇଣ୍ଡୋନେସିଆକୁ ପଛରେ ପକାଇ ଟିମ୍ ସ୍ବର୍ଣ୍ଣ ଜିତିଥିଲେ।