ମୁମ୍ବାଇ/ଲକ୍ଷ୍ନୌ,୩୧।୧୦: ଅକ୍ଟୋବର ୩୧, ମଙ୍ଗଳବାର ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବଲିଉଡ ଅଭିନେତ୍ରୀ କଙ୍ଗନା ରାନାୱତଙ୍କ ଫିଲ୍ମ ‘ତେଜସ’ ଦେଖିବେ। ଏହି ସମୟରେ ଅଭିନେତ୍ରୀ କଙ୍ଗନା ରାନାୱତ ମଧ୍ୟ ଉପସ୍ଥିତ ରହିବେ। କଙ୍ଗନାଙ୍କ ଫିଲ୍ମର ସ୍ବତନ୍ତ୍ର ସ୍କ୍ରିନିଂ ଲୋକ ଭବନ ଅଡିଟୋରିୟମରେ ରଖାଯାଇଛି। ମୁଖ୍ୟମନ୍ତ୍ରୀ ଯୋଗୀଙ୍କ ସହ ତାଙ୍କର କିଛି ମନ୍ତ୍ରୀ ମଧ୍ୟ ଫିଲ୍ମ ଦେଖିବା ପାଇଁ ପହଞ୍ଚିବେ।
ଏହାପୂର୍ବରୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ମଧ୍ୟ ସୂଚନା ଦେଇଛି ଯେ ମଙ୍ଗଳବାର କଙ୍ଗନାଙ୍କ ଫିଲ୍ମ ତେଜସ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦେଖିବେ। ତେଜସ ଫିଲ୍ମର କାହାଣୀ ହେଉଛି ଭାରତୀୟ ବାୟୁସେନାର ଅଦମ୍ୟ ସାହସର କାହାଣୀ। ଯେଉଁଥିରେ କଙ୍ଗନା ତେଜସ ଗିଲ ନାମକ ଜଣେ ବାୟୁସେନା ଅଧିକାରୀଙ୍କ ଭୂମିକାରେ ଅଭିନୟ କରିଛନ୍ତି, ଯିଏ ଏଜେଣ୍ଟକୁ ଉଦ୍ଧାର କରିବା ପାଇଁ ପାକିସ୍ତାନ ଯାଇଛନ୍ତି।
ମଙ୍ଗଳବାର ସକାଳ ୧୧ଟାରେ ମୁଖ୍ୟମନ୍ତ୍ରୀ ମଧ୍ୟ କ୍ୟାବିନେଟ ବୈଠକ ଡାକିଛନ୍ତି। ଯେଉଁଥିରେ ୟୁପିର ଉଭୟ ଉପମୁଖ୍ୟମନ୍ତ୍ରୀ ସେଠାରେ ରହିବେ। ଏହି ବୈଠକରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ମଧ୍ୟ ନିଆଯାଇପାରେ। ବୈଠକ ପରେ ମୁଖ୍ୟମନ୍ତ୍ରୀ ତାଙ୍କର ସମସ୍ତ ମନ୍ତ୍ରୀଙ୍କ ସହ ତେଜସ ଫିଲ୍ମର ସ୍ବତନ୍ତ୍ର ସ୍କ୍ରିନିଂ ଦେଖିବେ। ଏହି ସୂଚନା ସିଏମଓ ଅଫିସ ମଧ୍ୟ ଦେଇଛି। ଏହି ବିଶେଷ ସ୍କ୍ରିନିଂ ମଙ୍ଗଳବାର ଲୋକ ଭବନରେ ରାତି ୧୨ଟା ୩୦ରେ ଧାର୍ଯ୍ୟ କରାଯାଇଛି।
ଖବର ଅନୁଯାୟୀ, ତେଜସ ଫିଲ୍ମକୁ ୟୁପିରେ ଟ୍ୟାକ୍ସମୁକ୍ତ କରାଯାଇପାରିବ। ଏହା ବାୟୁସେନାର ସାହସିକତା ଉପରେ ଆଧାରିତ। ଏହାପୂର୍ବରୁ ୟୁପିରେ ଅନେକ ଫିଲ୍ମକୁ ଟ୍ୟାକ୍ସମୁକ୍ତ କରାଯାଇଛି। ଏଥିମଧ୍ୟରୁ କାଶ୍ମୀର ଫାଇଲ୍ସ, କେରଳ ଷ୍ଟୋରୀ ଭଳି ଫିଲ୍ମ ମଧ୍ୟ ଟିକସମୁକ୍ତ କରାଯାଇଥିଲା।