ଘରୋଇ ୱାକ୍ସିଂ ପ୍ରସ୍ତୁତ କରିବା ପାଇଁ ୫ ଚାମଚ ଚିନି ନିଅନ୍ତୁ। ସେଥିରେ ଏକ ଚାମଚ ଲେମ୍ବୁ ରସ, ୩ ଚାମଚ ମହୁ ଓ ୪ ଚାମଚ ପାଣି ମିଶାନ୍ତୁ। ଏସବୁ ସାମଗ୍ରୀକୁ ଏକ ପାତ୍ରରେ ରଖି ଚୁଲିରେ କମ୍ ଆଞ୍ଚରେ ବସାନ୍ତୁ। ମଝିରେ ମଝିରେ ଏହାକୁ ଗୋଳାନ୍ତୁ। କିଛି ସମୟ ପରେ ଚିନି ମିଶିଗଲା ପରେ ଚୁଲିରୁ ଓହ୍ଲାଇ ଆଣନ୍ତୁ। ଏବେ ପ୍ରସ୍ତୁତ ହୋଇଗଲା ଘରୋଇ ୱାକ୍ସ।
ଘରେ ଥିବା ଟୁଥପେଷ୍ଟ ମାଧ୍ୟମରେ ବି ଆପଣ ୱାକ୍ସିଂ କରାଇପାରିବେ। ଏଥିପାଇଁ ୪-୫ ଚାମଚ କ୍ଷୀର, ୨ ଚାମଚ ବେସନ ଓ ୧ ଚାମଚ ଟୁଥପେଷ୍ଟ ନିଅନ୍ତୁ। ଏ ସମସ୍ତ ସାମଗ୍ରୀକୁ ଏକ ପାତ୍ରରେ ଭଲଭାବେ ମିଶାଇ ଦିଅନ୍ତୁ। ଘୋଳକୁ ପତଳା କରିବା ପାଇଁ ଅଧିକ କ୍ଷୀର ମିଶାଇ ପାରିବେ। ଏହି ମିଶ୍ରଣକୁ ଅନାବଶ୍ୟକ ଲୋମ ଥିବା ସ୍ଥାନରେ ଲଗାଇ ଶୁଖିବା ପାଇଁ ଛାଡି ଦିଅନ୍ତୁ। ଏହାପରେ କଟନରେ ତିଆରି ସ୍ବତନ୍ତ୍ର କପଡାରେ ସେହି ସ୍ଥାନକୁ ଲୋମର ବିପରୀତ ଦିଗରେ ଟାଣି ଘଷି ଦିଅନ୍ତୁ। ଏହିପରି କରିବା ପରେ ସବୁ ଲୋମ ବାହାରି ଯିବ। ଶେଷରେ ଆପଣ ପାଣିରେ ମୁହଁକୁ ଧୋଇ ମଶ୍ଚରାଇଜର ଲଗାନ୍ତୁ।
ଘରୋଇ ୱାକ୍ସକୁ ଲଗାଇବା ପାଇଁ ହେଲେ ପ୍ରଥମେ ମୁହଁକୁ ସଫା କରି ପୋଛି ଦିଅନ୍ତୁ। ୱାକ୍ସକୁ ଅଳ୍ପ ଗରମ କରନ୍ତୁ। ଥଣ୍ଡା ହେବା ପରେ ଏହାକୁ ମୁହଁରେ ଅନାବଶ୍ୟକ ଲୋମ ଥିବା ସ୍ଥାନରେ ଭଲ ଭାବେ ଲଗାନ୍ତୁ। ମୋଟା କରି ଏହି ୱାକ୍ସକୁ ଲଗାଇ ହାତରେ ଦାବି ଦିଅନ୍ତୁ। କିଛି ସମୟ ପରେ ହାତରେ ଏହାକୁ ଉଠାଇ ଦିଅନ୍ତୁ। ଏହିପରି ଭାବରେ ଯେ କୌଣସି ସ୍ଥାନରେ ଥିବା ଲୋମକୁ ସହଜରେ ଉଠାଇ ହେବ।