ନୂଆଦିଲ୍ଲୀ,୧୧।୩ : ବିହାର ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବଙ୍କ ବିରୋଧରେ ଇଡି-ସିବିଆଇ କାର୍ଯ୍ୟାନୁଷ୍ଠାନ ସମ୍ପର୍କରେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ଏକ କଟାକ୍ଷ କରିଛନ୍ତି। ଠାକୁର କହିଛନ୍ତି, ଲାଲୁ ପ୍ରସାଦ ଯାଦବଙ୍କର କେବଳ ଗୋଟିଏ ସ୍ଲୋଗାନ ଥିଲା ତାହା ହେଉଛି ତୁମେ ମୋତେ ଏକ ପ୍ଲଟ ଦିଅ, ମୁଁ ତୁମକୁ ଚାକିରି ଦେବି। ସମସ୍ତେ ନିଜର ଦୁର୍ନୀତି ମଡେଲ ତିଆରି କରିଛନ୍ତି, ଆଜି ଯେତେବେଳେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉଛି, ସେମାନେ ସମସ୍ତେ ଏକଜୁଟ ହୋଇଛନ୍ତି।
କେନ୍ଦ୍ର ମନ୍ତ୍ରୀ ବିଆରଏସ ଏମଏଲସି କେ. କବିତାଙ୍କୁ ମଧ୍ୟ ଟାର୍ଗେଟ କରିଛନ୍ତି। ନଅ ବର୍ଷର ଶାସନରେ କେବଳ ଜଣେ ମହିଳା ସଶକ୍ତ ହୋଇଥିଲେ। ଯେତେବେଳେ ଆପଣ ଦୁର୍ନୀତିର ଗୁରୁତର ଅଭିଯୋଗରେ ଜଡିତ ହୁଅନ୍ତି, ସେତେବେଳେ ଆପଣ ମହିଳା ସଶକ୍ତିକରଣ ପ୍ରସଙ୍ଗକୁ ମନେ ପକାନ୍ତି।
ତେଲଙ୍ଗାନାରେ ଲୁଟ ରୋକିବାରେ ସଫଳ ନ ହୋଇ ଆପଣ ଦିଲ୍ଲୀରେ ପହଞ୍ଚିବାର ଦିବା ସ୍ବପ୍ନ ଦେଖୁଛନ୍ତି।
