ପ୍ରତିଦିନ ଅଣ୍ଡା ଖାଇବା ସ୍ବାସ୍ଥ୍ୟ ପାଇଁ ହିତକର। ଆଉ ଏହା ପକେଟକୁ ସୁହାଇବା ଭଳି ଦାମ୍ରେ ବି ଉପଲବ୍ଧ ହୁଏ। ତେଣୁ ଅନେକେ ନିଜ ଖାଦ୍ୟ ତାଲିକାରେ ଏହାକୁ ସାମିଲ କରିଥାଆନ୍ତି। କିଏ ସିଝା ଖାଆନ୍ତି ତ କିଏ ଆମ୍ଲେଟ୍, ଭୁଜିଆ, ତରକାରି ଅବା ଅନ୍ୟ କିଛି ଡିଶ୍ ପ୍ରସ୍ତୁତ କରି ଖାଆନ୍ତି। ତେବେ ଜାଣନ୍ତି କି ନ୍ୟୁୟର୍କସ୍ଥ ମାନହତାନ୍ରେ ଅଛି ଏମିତି ଏକ ରେଷ୍ଟୁରାଣ୍ଟ, ଯେଉଁଠି ଗ୍ରାହକଙ୍କୁ ପରଷାଯାଏ ଏଭଳି ଏକ ଆମ୍ଲେଟ୍, ଯାହାକୁ ଖାଇବା ସମସ୍ତଙ୍କପକ୍ଷେ ସମ୍ଭବ ନୁହେଁ। କାରଣ ଏହାର ଦାମ୍ ଆକାଶଛୁଆଁ। ଅର୍ଥାତ୍ ଗୋଟିଏ ଆମ୍ଲେଟ୍ର ମୂଲ୍ୟ ୧୦୦୦ ଡଲାର ବା ୮୪, ୧୬୦ ଟଙ୍କା। ନର୍ମାନ୍ସ ରେଷ୍ଟୁରାଣ୍ଟରେ ମିଳୁଥିବା ଏହି ଆମ୍ଲେଟ୍ରେ ୬ଟି ଅଣ୍ଡା, ଏକ ବଡ଼ ଲୋବଷ୍ଟରର ପୂରା ମାଂସ, ୨୮ ଗ୍ରାମର ଏକ ସ୍ବତନ୍ତ୍ର ପ୍ରକାରର ମାଛଅଣ୍ଡା ଆଦି ପକାଯାଇଥାଏ। ଯାହା ଆମ୍ଲେଟ୍କୁ ସ୍ବାଦିଷ୍ଠ କରିବା ସହ ଏହାର ଦାମ୍ ଅଧିକ କରାଏ।