ପାଟଣା,୨୨।୬(ସ୍ବ.ପ୍ର.): କେନ୍ଦୁଝର ଜିଲା ଯୁବ ବିଜେଡି ଉପସଭାପତି କରୁଣା ସାଗର ଖଟୁଆ ମଙ୍ଗଳବାର ଗିରଫ ହୋଇ କୋର୍ଟଚାଲାଣ ହୋଇଛନ୍ତି। ସୋମବାର ସାହାରପଡା ବ୍ଲକ କାର୍ଯ୍ୟାଳୟ ପରିସରରେ ଟେଣ୍ଡରଧାରୀଙ୍କ ଡ୍ରାଫ୍ଟ ଚିରି ଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି।
ସୂଚନାଯୋଗ୍ୟ ଯେ, ସାହାରପଡା ବ୍ଲକରେ ଓଏମବିଏ ଡିସି ଯୋଜନାରେ ଆସିଥିବା ୪୭ଟି ସ୍କୁଲ ଘର ଓ ପାଚେରି ପାଇଁ ୧୦ ଲକ୍ଷ ଟଙ୍କାରୁ ଊର୍ଦ୍ଧ୍ୱ ଟଙ୍କାର ଟେଣ୍ଡରର ସୋମବାର ଶେଷ ଦିନ ଥିଲା। ଜିଲା ବିଜେଡି ଯୁବ ଉପସଭାପତି ସୋମବାର ଅପରାହ୍ନ ବ୍ଲକ କାର୍ଯ୍ୟାଳୟରେ ପହଞ୍ଚି ମୁଖ୍ୟ କିରାଣି ହାଡ଼ିବନ୍ଧୁ ପାତ୍ରଙ୍କ ଟେବୁଲରୁ ୧୧ଟି ଟିଡିଡିକୁ ଧରି ଚିରି ଦେଇଥିଲେ। ମୁଖ୍ୟ କିରାଣିଙ୍କ ଲିଖିତ ଅଭିଯୋଗକୁ ଭିତ୍ତି କରି ସାହାରପଡା ବିଡିଓ ଲମ୍ବୋଦର ଖୁଣ୍ଟିଆ ଥାନାରେ ଅଭିଯୋଗ କରିଥିଲେ। ପରେ ତାଙ୍କୁ ଗିରଫ କରାଯାଇଛି।