କାଏରୋ,୭।୧: ଇଜିପ୍ଟରେ ଜଣେ ୩୬ ବର୍ଷ ବୟସ୍କ ଯୁବକ ଭିଜା ପାଇଁ ନିଆରା ପଦକ୍ଷେପ ଗ୍ରହଣ କରିଛନ୍ତି। ଏହାକୁ ନେଇ ସେ ଏବେ ସୋସିଆଲ ମିଡ଼ିଆରେ ଚର୍ଚ୍ଚାର କେନ୍ଦ୍ର ପାଲଟିଛନ୍ତି। ମହମ୍ମଦ ଅହମ୍ମଦ ଇବ୍ରାହିମ୍ ନାମକ ଏହି ଯୁବକ ୮୧ ବର୍ଷ ବୟସ୍କା ଆଇରିସ ଜୋନ୍ସ୍ଙ୍କୁ ବିବାହ କରିଛନ୍ତି। ଏହାକୁ ଆଇରିସ୍ଙ୍କ ଦୁଇ ପୁଅ ପ୍ରଥମେ ବିରୋଧ କରୁଥିଲେ ମଧ୍ୟ ଏବେ ସ୍ଥିିତି ସ୍ବାଭାବିକ ହୋଇଛି। ଭିଜା ପାଇଁ ଏଭଳି କରାଯାଇଥିବା ଜାଣିବା ପରେ ଆଇରିସ୍ଙ୍କ ପୁଅମାନେ ଏବେ ଚୁପ୍ ରହିଛନ୍ତି। ତାଙ୍କ ଦୁଇ ପୁଅଙ୍କ ବୟସ ୫୦ ବର୍ଷରୁ ଅଧିକ। ଇବ୍ରାହିମ୍ ବ୍ରିଟେନ୍ରେ ବାସ କରିବାକୁ ଚାହୁଁଥିଲେ। ଏଥିଲାଗି ବ୍ରିଟେନ୍ର ଜଣେ ମହିଳାଙ୍କୁ ବିବାହ କରିବା ଜରୁରୀ ଥିଲା। ତେଣୁ ଏଭଳି କରାଯାଇଥିବା ସେ କହିଛନ୍ତି। ସୋସିଆଲ୍ ମିଡ଼ିଆରେ ୟୁଜର ଇବ୍ରାହିମ୍ଙ୍କୁ ଟ୍ରୋଲ୍ କରିଥିଲେ। ତେବେ ଭିଜା ପାଇଁ ସବୁକିଛି କରାଯାଇ ପାରେ ବୋଲି ଉତ୍ତର ଦେଇଛନ୍ତି।