ଯୋଡ଼ା,୩ା୨(ଡି.ଏନ.ଏ.) କେନ୍ଦୁଝର ଜିଲା ବାମେବାରି ଥାନା ଅଧୀନ ଧନୁର୍ଜୟପୁର ଧୀବର ସାହିର ଜଣେ ଯୁବକଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି। ମୃତକ ହେଲେ ଗୌରାଙ୍ଗ ପାଢ଼ୀ। ମାଟିତଳେ ପୋତା ଯାଇଥିବା ତାଙ୍କ ଗଳିତ ମୃତଦେହକୁ ମଙ୍ଗଳବାର ପୋଲିସ ଜବତ କରିଛି।
ପୋଲିସ ସୂଚନା ଅନୁଯାୟୀ, ଗତ ୨୬ତାରିଖରୁ ଗୌରାଙ୍ଗ ନିଖୋଜ ଥିଲେ। ପରିବାର ଲୋକେ ଖୋଜାଖୋଜି କରି ତାଙ୍କୁ ନ ପାଇ ୨୯ତାରିଖରେ ଥାନାରେ ଅଭିଯୋଗ କରିଥିଲେ। ପୋଲିସ ଏହି ଘଟଣାର ଅନୁସନ୍ଧାନ ଜାରି ରଖିଥିଲା। ଗୌରାଙ୍ଗଙ୍କ ବାଇକ୍ ବୈତରଣୀ ନଦୀରେ ପଡ଼ିଥିବା ଏବଂ ତାଙ୍କ ମୃତଦେହ ନଦୀ ପାଖ ମାଟି ତଳେ ପୋତାଯାଇଥିବା ପୋଲିସ ଅନୁସନ୍ଧାନରୁ ଜାଣି ପାରିଥିଲା। ମଙ୍ଗଳବାର ମାଜିଷ୍ଟ୍ରେଟ ଝୁମ୍ପୁରା ଅତିରିକ୍ତ ତହସିଲଦାରଙ୍କ ଉପସ୍ଥିତିରେ ମାଟି ତଳୁ ଗୌରାଙ୍ଗଙ୍କ ମୃତଦେହ ଜବତ କରାଯାଇଥିଲା। ଘଟଣା ଦିନ ରିଙ୍କୁ ଧୀବର ନାମକ ଜଣେ ଯୁବକଙ୍କ ସହ ଗୌରାଙ୍ଗ ବାଇକ୍ ଯୋଗେ ଯାଇ ଆଉ ଫେରି ନ ଥିଲେ। ମୃତକଙ୍କ ଭାଇଙ୍କ ଏତଲାକୁ ଭିତ୍ତି କରି ରିଙ୍କୁଙ୍କ ନଁାରେ ଏକ ହତ୍ୟା ମାମଲା (ନଂ.୨୧/୨୨)ରୁଜୁ ହୋଇଥିବା ଆଇଆଇସି ମନୋରଞ୍ଜନ ବିଶି ସୂଚନା ଦେଇଛନ୍ତି। ଫେରାର ଥିବା ରିଙ୍କୁ ଧରାପଡ଼ିବା ପରେ ହତ୍ୟାକାଣ୍ଡର କାରଣ ଜଣାପଡ଼ିବ ବୋଲି ଆଇଆଇସି କହିଛନ୍ତି।