ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। ବର୍ତ୍ତମାନ ଜଣେ ଯୁବକ ଏକ କୁକୁରକୁ ରାସ୍ତାରୁ ଉଠାଇ ହ୍ରଦକୁ ଫିଙ୍ଗି ଦେଉଥିବା ଭିଡିଓ ବେଶ ଭାଇରାଲ ହେବାରେ ଲାଗିଛି। ଭୋପାଳର ଭିଆଇପି ରୋଡରେ ଥିବା ବଡ ହ୍ରଦ ନିକଟରେ ଏହି ଘଟଣା ଦେଖିବାକୁ ମିଳିଛି।
ଭିଡିଓରେ ଦେଖାଯାଇଛି, ଜଣେ ଯୁବକ ଭିଆଇପି ରାସ୍ତାରେ ଯାଉଛନ୍ତି। ଏହାପରେ ସମ୍ପୃକ୍ତ ଯୁବକ ଜଣକ ଏକ କୁକୁରକୁ ଖାଦ୍ୟ ଦେଉଛନ୍ତି। ପରେ କୁକୁରକୁ ନିଜ କୋଳରେ ଉଠାଇ ହ୍ରଦରେ ଫିଙ୍ଗି ଦେଉଥିବା ଭିଡିଓରେ ଦେଖିବାକୁ ମିଳିଛି। ତେବେ ଏହି ଭିଡିଓଟି ସୋସିଆଲ ମିଡିଆରେ ଭାଇରାଲ ହେବା ପରେ ଲୋକେ ଏହାକୁ ନାପସନ୍ଦ କରିବା ସହ ବିରକ୍ତି ଭାବ ପ୍ରକାଶ କରିଛନ୍ତି। ସମ୍ପୃକ୍ତ ଯୁବକଙ୍କୁ ଏପର୍ଯ୍ୟନ୍ତ ଚିହ୍ନଟ କରାଯାଇ ନ ଥିବା ଜଣାପଡିଛି।
