ପ୍ରତିଦିନ ସୋସିଆଲ ମିଡିଆରେ ଅନେକ ପଶୁପକ୍ଷୀଙ୍କ ଭିଡିଓ ଭାଇରାଲ ହେଉଛି। ଏକ ଘୋଡା ଉପରେ ଜଣେ ଯୁବକ ଚଢୁଥିବାବେଳେ ଘୋଡାଟି ପଛରୁ ତାଙ୍କୁ ଲାତ ମାରୁଥିବା ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଇଛି, ଏକ ଘୋଡା ପଡିଆରେ ଠିଆ ହୋଇଛି। ସେହି ସମୟରେ ଜଣେ ଯୁବକ ପଛରୁ ଉକ୍ତ ଘୋଡା ଉପରେ ବସିବାକୁ ଚେଷ୍ଟା କରୁଥିବାବେଳେ ଘୋଡାଟି ତାଙ୍କୁ ଲାତ ମାରିଥିଲା। ଫଳରେ ସେ ଫୋପାଡି ହୋଇ ତଳେ ପଡିଥିଲେ। ଆଇଏଫଏସ ଅଧିକାରୀ ସୁଶାନ୍ତ ନନ୍ଦ ନିଜ ଟୁଇଟରରେ ଏହି ଭିଡିଓକୁ ଶେୟାର କରିଛନ୍ତି। ଏହି ଭିଡିଓକୁ ଅନେକ ଲୋକ ଲାଇକ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।