ଓ୍ବାଶିଂଟନ,୬।୧୧ : ଚାକିରି ଦେବା ପୂର୍ବରୁ ବେସରକାରୀ କମ୍ପାନୀମାନେ ପ୍ରଥମେ ପ୍ରାର୍ଥୀଙ୍କଠାରୁ ସିଭି ମାଗନ୍ତି। ତେଣୁ ଲୋକମାନେ ସେମାନଙ୍କର ସିଭି ଏପରି କରିବାକୁ ଚେଷ୍ଟା କରନ୍ତି ଯେପରି ଏଚଆର କିମ୍ବା ସାକ୍ଷାତକାର ସମୟରେ ଏହାକୁ ଦେଖି ନିଯୁକ୍ତିଦାତା ଖୁସି ହୁଅନ୍ତି। ଯଦିଓ ଅନେକ ଲୋକ ନିଜେ ସେମାନଙ୍କର ସିଭି ତିଆରି କରନ୍ତି, କିଛି ଲୋକ ଏଥିପାଇଁ ବିଶେଷଜ୍ଞଙ୍କ ସାହାଯ୍ୟ ମଧ୍ୟ ନିଅନ୍ତି, ଯେଉଁମାନେ ସେମାନଙ୍କଠାରୁ ଭଲ ପରିମାଣର ଅର୍ଥ ଆଦାୟ କରନ୍ତି । ସାଧାରଣତଃ ଅଧ୍ୟୟନ, ବୃତ୍ତିଗତ ଜୀବନ ଏବଂ ଚାକିରି ସମୟରେ ହାସଲ ହୋଇଥିବା ସଫଳତା ସିଭିରେ ଲେଖାଯାଇଥାଏ। ସମ୍ପ୍ରତିି ସୋସିଆଲ ମିଡିଆରେ ଏକ ଅଦ୍ଭୁତ ସିଭି ଭାଇରାଲ ହେଉଛି, ଯାହା ସଭିଙ୍କୁୁ ଆଶ୍ଚର୍ଯ୍ୟ କରୁଛି।
ବାସ୍ତବରେ, ଜଣେ ବ୍ୟକ୍ତି ତାଙ୍କ ସିଭିରେ ତାଙ୍କ ବ୍ୟକ୍ତିଗତ ଜୀବନ ସହିତ ଜଡିତ କିଛି ଲେଖିଥିଲେ କମ୍ପାନୀର ସିଇଓ ମଧ୍ୟ ଏହାକୁ ପଢ଼ିବା ପରେ ଲଜ୍ଜିତ ହୋଇଥିଲେ। ଏହି ବ୍ୟକ୍ତି ଆମେରିକାର ସ୍ବାସ୍ଥ୍ୟସେବା କମ୍ପାନୀ ‘ୱାଲନଟ’ରେ ଚାକିରି ପାଇଁ ଏହି ସିଭି ପଠାଇଥିଲେ, ଯାହା କମ୍ପାନୀର ସିଇଓ ଗ୍ରହଣ କରି ପଢ଼ି ଆଶ୍ଚର୍ଯ୍ୟ ହୋଇଯାଇଥିଲେ। ବାସ୍ତବରେ, ଏହି ବ୍ୟକ୍ତି କେବଳ ତାଙ୍କର ବୃତ୍ତିଗତ ଜୀବନ ଏବଂ ତାଙ୍କ ସିଭିରେ ସଫଳତା ବିଷୟରେ ଲେଖି ନ ଥିଲେ, ବରଂ ତାଙ୍କର ଶୁକ୍ରାଣୁ ଗଣନା(ସ୍ପର୍ମ କାଉଣ୍ଟ) ବିଷୟରେ ମଧ୍ୟ ଉଲ୍ଲେଖ କରିଥିଲେ। ସେ ଲେଖିଥିଲେ ତାଙ୍କର ଶୁକ୍ରାଣୁ ଗଣନା ୮୦୦ ନିୟୁତ ଅଟେ। ଏହା ଅତ୍ୟନ୍ତ ଅଦ୍ଭୁତ, କାରଣ ସିଭିରେ ଶୁକ୍ରାଣୁ ଗଣନା ବିଷୟରେ କେହି ଉଲ୍ଲେଖ କରନ୍ତି ନାହିଁ ।
ଏହି ଅଦ୍ଭୁତ ସିଭି କମ୍ପାନୀର ପ୍ରତିଷ୍ଠାତା ତଥା ସିଇଓ ରୋଶନ ପଟେଲ ନିଜେ ନିଜ ଟୁଇଟର ହ୍ୟାଣ୍ଡେଲରେ ଶେୟାର କରିଛନ୍ତି ଏବଂ କ୍ୟାପସନରେ ଲେଖିଛନ୍ତି, ବର୍ତ୍ତମାନ ଏହି ସିଭି ମୁଁ ଗ୍ରହଣ କରିଛି। ତାଙ୍କ ପୋଷ୍ଟକୁ ଏପର୍ଯ୍ୟନ୍ତ ୨୦ ଲକ୍ଷରୁ ଅଧିକ ଥର ଦେଖାଯାଇଛି। ଏହି ଟୁଇଟ ଉପରେ ମନ୍ତବ୍ୟ ଦେଇ କିଛି ଲୋକ କହିଛନ୍ତି, ଏହା ଯେତିକି ଅଜବ, ସେତିକି ମଜାଳିଆ ଅଟେ। କେତେକ କହୁଛନ୍ତି, ତୁମେ ଏହାକୁ ନିଶ୍ଚିତ ଭାବରେ ଗ୍ରହଣ କରିବା ଉଚିତ।