ଖୋର୍ଦ୍ଧା ଅଫିସ,୫।୧ : ଗାଡି ପାର୍କିଂ କରି ରାସ୍ତା ପାର ହେଉଥିବା ବେଳେ ପଛପଟୁ କାଠଫାଳିଆ ମାଡରେ ଜଣେ ଯୁବକଙ୍କ ମୃତ୍ୟୁ ଘଟିଛି। ଖୋର୍ଦ୍ଧା ଜିଲା ଟାଉନ ଥାନା ଅଧୀନ ପଲ୍ଲା ନୂଆସାହି ଛକରେ ମଙ୍ଗଳବାର ଭୋରୁ ଏଭଳି ଘଟଣା ଘଟିଛି। ମୃତକ ହେଲେ ବିଜୟ ନାୟକ। ଏହି ଘଟଣାରେ ଆକ୍ରମଣକାରୀ ସନ୍ତୋଷ ସାହୁଙ୍କୁ ଥାନାରେ ଅଟକ ରଖି ପୋଲିସ ପଚରାଉଚରା କରୁଛି। ତେବେ ହତ୍ୟାର କାରଣ କାରଣ ଅସ୍ପଷ୍ଟ ରହିଛି।
ସୂଚନାଯୋଗ୍ୟ, ବିଜୟ ରାସ୍ତା ପାଶର୍ବରେ ଗାଡିକୁ ପାର୍କିଂ କରି ଘରକୁ ଯିବା ଲାଗି ରାସ୍ତା ପାରି ହେଉଥାଲେ। ଏହି ସମୟରେ ସନ୍ତୋଷ ପଛପଟୁ ତାଙ୍କ ମୁଣ୍ଡକୁ ଏକ କାଠ ଫାଳିଆରେ ଆକ୍ରମଣ କରିଥିଲେ। ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଖୋର୍ଦ୍ଧା ପରେ ଭୁବନେଶ୍ବର ଏମ୍ମ୍ସକୁ ସ୍ଥାନାନ୍ତରିତ କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।