ବଚସାରୁ ଆକ୍ରମଣ: ଚାଲିଗଲା ଯୁବକଙ୍କ ଜୀବନ
6:35 pmJanuary 5, 2025January 5, 2025 / 03

କୁନ୍ଦୁରା,୫।୧(ସନ୍ତୋଷ ପ୍ରହରାଜ): କୋରାପୁଟ ଜିଲା କୁନ୍ଦୁରା ଏବଂ ବୈପାରୀଗୁଡ଼ା ସୀମାନ୍ତ ଗୁଣ୍ଡାଳ ବ୍ରିଜ ନିକଟରେ ବଚସାରୁ ଆକ୍ରମଣ କରିବା ଯୋଗୁ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତକ ହେଲେ ବୈପାରୀଗୁଡ଼ା ବ୍ଲକ୍‌ ଚେରେକା ପଞ୍ଚାୟତ ଅଧୀନ ଝଡିଗୁଡା ଗ୍ରାମର ମନୋହର ହରିଜନ(୪୦)।

ସୂଚନାଯୋଗ୍ୟ, ତାଙ୍କୁ ଏକ ମାରଣାସ୍ତ୍ରରେ ପେଟରେ ଆକ୍ରମଣ କରାଯାଇଥିଲା। ଏହାପରେ ମନୋହରଙ୍କୁ କୁନ୍ଦୁରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଅଣାଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। କେଉଁ କାରଣରୁ ବଚସା ହୋଇ ହତ୍ୟା କାଣ୍ଡ ଘଟିଛି ତାହାର ତଦନ୍ତ ଚାଲିଥିବା ଥାନା ଅଧିକାରୀ ପ୍ରକାଶ କରିଛନ୍ତି।