ସୋସିଆଲ ମିଡିଆରେ ବେଳେବେଳେ ଏମିତି କିଛି ଭିଡିଓ ଭାଇରାଲ ହୋଇଥାଏ, ଯାହାକୁ ଦେଖିଲେ ଆଶ୍ଚର୍ଯ୍ୟ ଲାଗିଥାଏ। ବେଳେବେଳେ କେହି ଏଠାରେ ନିଜର ପ୍ରତିଭା ମଧ୍ୟ ପ୍ରଦର୍ଶନ କରିଥାନ୍ତି। ଏହା ନୁହେଁ ଯେ, ଏହି ପ୍ରତିଭା କେବଳ ନୃତ୍ୟ, ଗୀତ କିମ୍ବା ଅଭିନୟରେ ସୀମିତ। ଏହା ନିଜ ବୁଦ୍ଧି ବଳର ପ୍ରତିଭା ମଧ୍ୟ ହୋଇପାରେ। ଏହିପରି ଏକ ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି।
ବର୍ତ୍ତମାନ ସୁଦ୍ଧା ଆପଣ ଲୋକମାନଙ୍କୁ ଦିଆସିଲି, ଲାଇଟର୍ ଭଳି ଜିନିଷ ବ୍ୟବହାର କରୁଥିବା ଦେଖିଥିବେ। ପୁରାତନ କାଳରେ ପଥରକୁ ପଥର ସହ ଘଷି ନିଆଁ ଜଳାଉଥିଲେ। କିନ୍ତୁ ସ୍ମାର୍ଟ ଥିବା ଲୋକମାନେ ଯେକୌଣସି ସ୍ଥାନରେ ଶସ୍ତା ଏବଂ ସ୍ଥାୟୀ ସମାଧାନ କରିପାରିବେ। ଏହି ଭିଡିଓରେ ଜଣେ ଯୁବକ ମଧ୍ୟ ଠିକ୍ ସେମିତି କାର୍ଯ୍ୟ କରୁଥିବା ନଜର ଆସିଛନ୍ତି। ଏହାକୁ ଦେଖି ଆପଣ ମଧ୍ୟ ଏହାକୁ ପ୍ରଶଂସା କରିବେ।
ଭାଇରାଲ ଭିଡିଓରେ ଦେଖିପାରିବେ ଯେ, ଜଣେ ଯୁବକ ମୋଟରସାଇକେଲରେ ବସିଛନ୍ତି। ଏହି ସମୟରେ ସେ ପେଟ୍ରୋଲ ଟାଙ୍କି ଖୋଲି ଟାଙ୍କି ଭିତରେ ଏକ କାଠି ରଖୁଛନ୍ତି। ଯେତେବେଳେ ପେଟ୍ରୋଲ ସହିତ କାଠି ଓଦା ହେଉଛି, ସେତେବେଳେ ସେ ଏହାକୁ ବାହାରକୁ ଆଣୁଛନ୍ତି। ଆଉ ତା’ପରେ ବାଇକ୍ ଷ୍ଟାର୍ଟ କରି ପେଟ୍ରୋଲରେ ଭିଜିଥିବା ବାଡ଼ିକୁ ନେଇ ଏହାକୁ ଏକ ସ୍ପାର୍କରେ ଲଗାଇବାରୁ ଏହା ଜଳିଉଠୁଛି। ତା’ପରେ ସେ ପାଖରେ ଥିବ କିଛି ଶୁଖିଲା ନଡ଼ାରେ ସେହି ଜଳନ୍ତା କାଠି ସାହାଯ୍ୟରେ ନିଆଁ ଲଗାଉଛନ୍ତି। ସେଠାରେ ଥିବା ଲୋକମାନେ ନିଆଁ ପୁଉଁଛନ୍ତି।
ଏହି ଭିଡିଓଟି ସୋସିଆଲ ମିଡିଆ ପ୍ଲାଟଫର୍ମ ଇନ୍ଷ୍ଟାଗ୍ରାମରେ millionaire_saurabhh ନାମକ ଏକ ଆକାଉଣ୍ଟରେ ଶେୟାର କରାଯାଇଛି। ବର୍ତ୍ତମାନ ସୁଦ୍ଧା ଏହ ଭିଡିଓକୁ ୪ ଲକ୍ଷରୁ ଅଧିକ ଲୋକ ଦେଖିଥିବା ବେଳେ ୪୦ ହଜାରରୁ ଅଧିକ ଲୋକ ଏହାକୁ ଲାଇକ୍ କରିଛନ୍ତି। ଲୋକମାନେ ଏହା ଉପରେ ମନ୍ତବ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି, ତାଙ୍କୁ ନାସା ଠାରୁ ଏକ କଲ୍ ମିଳିବା ଉଚିତ୍। ଅନ୍ୟ ଜଣେ କହିଛନ୍ତି, ଭାଇ ଇଏ ନିଜକୁ ନିଉଟନ ଭାବୁଛନ୍ତି। ସେହିପରି ଆଉ ଜଣେ କହିଛନ୍ତି, ବାଇକ୍ ଜଳିଯିବ।