ସୋସିଆଲ ମିଡିଆରେ ଭାଇରାଲ ହେବାର ଇଚ୍ଛା ଲୋକଙ୍କୁ ଏମିତି କାର୍ଯ୍ୟ କରିବାକୁ ବାଧ୍ୟ କରୁଛି, ଯାହା ପୂର୍ବରୁ କେବେ ଦେଖି ନ ଥିବେ। ଆଜିକାଲି ଲୋକମାନେ ଯେଉଁଠାରେ ସୁଯୋଗ ପାଉଛନ୍ତି ସେଠାରେ ଡ୍ୟାନ୍ସ କରୁଛନ୍ତି। ଘରେ, ବାଲକୋନିରେ, ଟେରାସରେ, ରାସ୍ତାରେ, ସ୍କୁଲ-କଲେଜରେ। ଜଣେ ଯୁବତୀ ଜନଗହଳିପୂର୍ଣ୍ଣ ରେଳ ପ୍ଲାଟଫର୍ମରେ ଡ୍ୟାନ୍ସ କରିଛନ୍ତି। ତାଙ୍କର ଡ୍ୟାନ୍ସ ଏତେ ଅଦ୍ଭୁତ ଯେ ତାଙ୍କୁ ପ୍ରଶଂସା ଅପେକ୍ଷା ଅଧିକ ଟ୍ରୋଲ୍ କରାଯାଉଛି।
Will this #Nautanki ever end in #IndianRailways premises..
It seems some “Spirit” has possessed all of them… pic.twitter.com/Lkakv70NQm
— मुंबई Matters™ (@mumbaimatterz) December 2, 2023
@mumbaimatterz ନାମକ ଏକ ଆକାଉଣ୍ଟରେ ଏହି ଭିଡିଓଟି ଶେୟାର କରାଯାଇଛି। ଏଥିରେ ଜଣେ ଯୁବତୀ ରେଳ ପ୍ଲାଟଫର୍ମରେ ଡ୍ୟାନ୍ସ କରୁଛନ୍ତି। ଷ୍ଟେଶନରେ କିଛି ଲୋକ ଠିଆ ହୋଇଥିବା ବି ଦେଖିବାକୁ ମିଳିଛି। ସେମାନଙ୍କ ମଧ୍ୟରେ ଜଣେ ଯୁବତୀ ଡ୍ୟାନ୍ସ କରୁଛନ୍ତି। ସେ ହଠାତ୍ ପ୍ଲାଟଫର୍ମରେ ଶୋଇ କି ଡ୍ୟାନ୍ସ କରୁଛନ୍ତି। ତାଙ୍କୁ ପାହାଚରେ ଦେଖି ଲୋକମାନେ ଚକିତ ହୋଇ ତାଙ୍କ ଆଡ଼କୁ ଚାହିଁ ରହିଲେ। ଯୁବତୀ ଜଣକ ଶାହାରୁଖ ଖାନ, କାଜଲ ଏବଂ ରାଣୀ ମୁଖାର୍ଜୀଙ୍କ ଫିଲ୍ମ ‘କୁଛ୍ କୁଛ୍ ହୋତା ହୈ’ର ‘କୋଇ ମିଲ୍ ଗୟା’ ଗୀତରେ ଡ୍ୟାନ୍ସ କରୁଛନ୍ତି।
ଏହି ଭିଡିଓକୁ ବର୍ତ୍ତମାନ ସୁଦ୍ଧା ୪୬ ହଜାରରୁ ଅଧିକ ଲୋକ ଦେଖିସାରିଲେଣି। କିଛି ଲୋକ ମନ୍ତବ୍ୟ ଦେଇ ନିଜର ମତାମତ ଦେଇଛନ୍ତି। ଜଣେ ୟୁଜର କହିଛନ୍ତି, ରେଳବାଇରେ ଘଟୁଥିବା ଏହି ଡ୍ରାମା କେବେ ଶେଷ ହେବ? ଜଣେ କହିଛନ୍ତି, ଲୋକମାନେ ଏହାକୁ ବିରୋଧ କରିବା ଉଚିତ। ସେହିପରି ଅନ୍ୟ ଜଣେ ୟୁଜର କହିଛନ୍ତି, ଏପରି ଭିଡ଼ ସାମ୍ନାରେ ଏହିପରି କିଛି କରିବା ପାଇଁ ବହୁତ ଆତ୍ମବିଶ୍ୱାସ ଆବଶ୍ୟକ। ଆଉ ଜଣେ କହିଛନ୍ତି, ଯଦି ଶାହାରୁଖ ଏହି ଡ୍ୟାନ୍ସକୁ ଦେଖିଥିବେ ତେବେ ସେ ଫିଲ୍ମ କରିବା ବନ୍ଦ କରିଦେବେ।
