ଇସଲାମାବାଦ/ବେଜିଂ, ୩୧।୩ : କରୋନା ଚାଇନା-ପାକିସ୍ତାନ ଅର୍ଥନୈତିକ କରିଡର (ସିପିଇସି) ସହ ଜଡିତ ପ୍ରକଳ୍ପ ପାଇଁ ଚାଇନାର ଶ୍ରମିକଙ୍କ ସଂଖ୍ୟା ବୃଦ୍ଧି ପାଇଛି। ଏଥି ସହିତ, ପାକିସ୍ତାନର ସଂଖ୍ୟାଲଘୁ ଖ୍ରୀଷ୍ଟିଆନ ସମ୍ପ୍ରଦାୟର ଯୁବତୀମାନଙ୍କର ଚୋରା ଚାଲାଣ ର଼୍ୟାକେଟ ସକ୍ରିୟ ହେବାରେ ଲାଗିଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ଯୁବତୀମାନଙ୍କୁ ଚାଇନା ପଠାଯାଉଛି।
ଚାଇନାର ଶ୍ରମିକମାନେ ପାକିସ୍ତାନକୁ ଆସି ପାକିସ୍ତାନୀ ଯୁବତୀମାନଙ୍କୁ ପ୍ରେମରେ ଫାନ୍ଦରେ ପକାଇ ବିବାହ କରୁଛନ୍ତି । ଚାଇନା ଯୁବକ ନକଲି କମ୍ପାନୀ କିମ୍ବା ବ୍ୟବସାୟ ନାମରେ କାଗଜପତ୍ର ନେଇ ପାକିସ୍ତାନକୁ ଆସୁଛନ୍ତି। ସେମାନଙ୍କର ଉଦ୍ଦେଶ୍ୟ ହେଉଛି ନିଜ ପାଇଁ କନ୍ୟା କିଣିବା। ‘ସିପିଇସି ପ୍ରକଳ୍ପ ବାହାନାରେ ନାମରେ କନ୍ୟା ଚୋରା ଚାଲାଣ’ ଶୀର୍ଷକ ଏହି ରିପୋର୍ଟରେ ଉଲ୍ଲେଖ କରାଯାଇଛି ଯେ ପାକିସ୍ତାନୀଚ ଚାଇନା ଯୁବକ ଭାରତୀୟ ମୁଦ୍ରାରେ ଅଢ଼େଇ ଲକ୍ଷରୁ ଚାରି ଲକ୍ଷ ଟଙ୍କା ପର୍ଯ୍ୟନ୍ତ ଦେଇ ଗରିବ ପାକିସ୍ତାନୀ ପରିବାରର ଯୁବତୀଙ୍କୁ କିଣି ନେଉଛନ୍ତି।
ସମ୍ପ୍ରତି, ମୁସଲମାନ ଯୁବତୀମାନଙ୍କୁ ପାକିସ୍ତାନରେ ଅଣ-ମୁସଲମାନ ପୁରୁଷଙ୍କୁ ବିବାହ କରିବା ଉପରେ ଶରିୟା ନିୟମ ଅନୁଯାୟୀ ପ୍ରତିବନ୍ଧକ ଲଗାଯାଇଛି। କନ୍ୟା କିଣିବାକୁ ଆସିଥିବା ଅଣ-ମୁସଲମାନ ଚାଇନିଜମାନଙ୍କ ପାଇଁ ଏହା ଏକ ସମସ୍ୟା ସୃଷ୍ଟି କରୁଛି। ଏଭଳି ପରିସ୍ଥିତିରେ ଖ୍ରୀଷ୍ଟିଆନ ଯୁବତୀମାନଙ୍କୁ ସେମାନେ ଟାର୍ଗେଟ କରୁଛନ୍ତି। ଖ୍ରୀଷ୍ଟିଆନ କାର୍ଯ୍ୟକର୍ତ୍ତାଙ୍କ ଅନୁଯାୟୀ, ପ୍ରତିବର୍ଷ ପଞ୍ଜାବର ଗୁଜରାନୱାଲା ଠାରୁ ୭୫୦ ରୁ ୧୦୦୦ ପର୍ଯ୍ୟନ୍ତ ଯୁବତୀଙ୍କୁ କିଣାଯାଇ ଚାଇନା ନିଆଯାଉଛି। ବିକ୍ରି ହେଉଥିବା ଯୁବତୀମାନେ ଚାଇନିଜ ଭାଷା ଜାଣନ୍ତି ନାହିଁ। ଚାଇନାର ସଂସ୍କୃତି ବିଷୟରେ ସେମାନଙ୍କର କୌଣସି ଧାରଣା ମଧ୍ୟ ନାହିଁ।
ଚାଇନାରେ ଏହି ଯୁବତୀମାନଙ୍କୁ ନିର୍ଯାତନା ଦିଆଯାଉଥିବାର ଅଭିଯୋଗ ମଧ୍ୟ ହେଉଛି। ବେଳେ ଚାଇନାରେ ସେମାନଙ୍କ ପ୍ରତି ଗଣଦୁଷ୍କର୍ମ କରାଯାଉଛି। ତେବେ ଚାଇନା ଅଧିକାରୀମାନେ ଏଭଳି ଅଭିଯୋଗକୁ ଖଣ୍ଡନ କରିଛନ୍ତି।