ପାଟଣା,୨।୭( ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ପଲାଣିଘାଟି ଗ୍ରାମରେ ଏକ ଅଭାନୀୟ ଘଟଣା ଘଟିଛି। ଗୁରୁବାର ଜଣେ ନାବାଳକ ବେକରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ମୃତ ଜଣଙ୍କ ହେଉଛନ୍ତି ମୟୁରଭଞ୍ଜ ଜିଲା ବାଦାମ ପାହାଡ଼ ଥାନା କୁସୁମୀ ଗ୍ରାମର ମାନସ ମହାନ୍ତଙ୍କ ୧୪ ବର୍ଷୀୟ ପୁଅ ମୋହିତ ମହାନ୍ତ। ସୂଚନାଯୋଗ୍ୟ, ମାନସ ପଲାଣିଘାଟି ହାଇସ୍କୁଲରେ ସିବିଜେଡ ବିଜ୍ଞାନ ଶିକ୍ଷକ ଭାବେ କାର୍ଯ୍ୟରତ ଅଛନ୍ତି। ଉକ୍ତ ପରିବାର ଏକ ଭଡା ଘରେ ରହୁଥିବା ବେଳେ ମାନସ ସ୍ତ୍ରୀଙ୍କୁ ନେଇ ଗାଁକୁ ଯାଇଥିଲେ। ଘରେ ଭଉଣୀ ଭାସି ଓ ଭାଇ ମୋହିତ ଏକୁଟିଆ ରହୁଥିଲେ। ବୁଧବାର ରାତିରେ ମୋହିତ ବଡ଼ଭଉଣୀଙ୍କୁ ମୋବାଇଲ ମାଗିଥିଲେ। ଏନେଇ ଭାଇ ଭଉଣୀଙ୍କ ମଧ୍ୟରେ ଝଗଡା ହୋଇଥିଲା। ଏହାପରେ ୨ଜଣ ଶୋଇବାକୁ ଚାଲିଯାଇଥିାଊ। ଗୁରୁବାର ସକାଳୁ ଭାଇ ଶୋଇବା ଘର କବାଟ ନ ଖୋଲିବାରୁ ଭଉଣୀ ପଡ଼ିଶା ଲୋକଙ୍କୁ ଡକାଇ କବାଟ ଭାଙ୍ଗିଥିଲେ। ସେହି ସମୟରେ ଭାଇ ଫାଶୀ ଲଗାଇ ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ। ଘଟଣାସ୍ଥଳରେ ଘଟଗାଁ ପୋଲିସ ପହଞ୍ଚି ତଦନ୍ତ ଜାରି ରଖିଛି।