ସୋସିଆଲ ମିଡିଆରେ ଏକ ଚକିତ କଲାଭଳି ଭିଡିଓ ଭାଇରାଲ ହେଉଛି। ଭିଡିଓରେ ଜଣେ ଯୁବକ ଟ୍ରେନ୍ ଉପରେ ଭୟଙ୍କର ଷ୍ଟଣ୍ଟ କରୁଥିବା ଦେଖାଯାଉଛି। ହେଲେ ତାଙ୍କ ସହ ଏଭଳି କିଛି ହେଉଛି ଯାହାକୁ ଦେଖି ସମସ୍ତେ ଚକିତ ହେଉଛନ୍ତି।
ପ୍ରାୟ ୧ ମିନିଟ୍ର ଭିଡିଓରେ ଦେଖିବେ, ଦ୍ରୁତ ଗତିରେ ଟ୍ରେନ୍ଟିଏ ଆସୁଛି। କ୍ୟାମେରାରେ ସବୁକିଛି ରେକର୍ଡ ହେଉଛି। ଠିକ୍ ଏତିକି ବେଳେ ଜଣେ ଯୁବକ ଝରକା ବାହାରକୁ ଆସି ଷ୍ଟଣ୍ଟ ଦେଖାଉଛନ୍ତି। ସେ ଟ୍ରେନ୍ର ଛାତ ଉପରେ ଚଢ଼ୁିବାକୁ ଚେଷ୍ଟା ବିଦ୍ୟୁତ୍ ସରବରାହ କରୁଥିବା ପିଲରକୁ ଛୁଇଁବାକୁ ଚେଷ୍ଟା କରୁଛନ୍ତି। ଏତିକିରେ ସେ ଅଟକୁ ନାହାନ୍ତି। ସେ ଛାତ ଉପରେ ପହଞ୍ଚି କିଛି ସଙ୍କେତ ଦେଉଛନ୍ତି। ଆଗକୁ ତାଙ୍କ ସହ ଯାହା ହେଉଛି ତାହା ଚମକାଉଛି। ତାଙ୍କୁ ହଠାତ ଜୋରଦାର କରେଣ୍ଟ ଲାଗୁଛି। ଫଳରେ ସେ ଜଳି ଯାଉଛନ୍ତି। ତାଙ୍କ ସମ୍ପୂର୍ଣ୍ଣ ହାତ ସହ ଅଣ୍ଟାଯାଏ କଳା ପଡ଼ିଥିବା ଆଗାମୀ ଦୃଶ୍ୟରେ ଦେଖାଯାଉଛି।
ସୋସିଆଲ ମିଡିଆରେ ଭିଡିଓଟି ଭାଇରାଲ ହେଉଥିବା ବେଳେ ଲୋକେ ଭଳିକି ଭଳି ପ୍ରତିକ୍ରିୟା ଦେଉଛନ୍ତି। ତେବେ ଏହା କେବେ ଏବଂ କେଉଁଠାର ତାହା ଜଣାପଡ଼ିନାହିଁ। ଏଯାବତ ହଜାର ହଜାର ଲୋକେ ଏହାକୁ ଦେଖିସାରିଛନ୍ତି।