ନିରାକାରପୁର,୩ା୬(ଡି.ଏନ୍.ଏ.): ଖୋର୍ଦ୍ଧା ଜିଲା ନିରାକାରପୁର ଥାନା ଅଧିନସ୍ଥ ନିରାକାରପୁର ୟୁପି ସ୍କୁଲ ମୁଖ୍ୟ ଫାଟକ ପାଖରେ ଥିବା ଏକ ଜଳଖିଆ ଦୋକାନ ସାମ୍ନାରୁ ଶନିବାର ସନ୍ଧ୍ୟାରେ ଜଣେ ବାଇକ୍ ଚୋରଙ୍କୁ ଧରି ଉତ୍ତମ ମଧ୍ୟମ ଦେଇ ଲୋକେ ପୋଲିସ ଜିମା ଦେଇଛନ୍ତି।
ଘଟଣାରୁ ପ୍ରକାଶ ଯେ, ଧରାପଡ଼ିଥିବା ବାଇକ୍ ଚୋର ଜଣଙ୍କ ଆଜି ସନ୍ଧ୍ୟାରେ ଉକ୍ତ ବଜାରରେ ବୁଲାବୁଲି କରିବା ସହିତ ଏକ ବାଇକ୍ ଉପରେ ବସି ସେ ରଖିଥିବା ଚାବିରେ ଖୋଲିବା ପାଇଁ ଚେଷ୍ଟା କରୁଥିବା ଦେଖି ଅଞ୍ଚଳର କିଛି ଯୁବକ ତାଙ୍କ ପିଛା କରିଥିଲେ। ସେ ବଜାରରୁ ସ୍ଥାନୀୟ ଷ୍ଟେଶନ ରାସ୍ତାରେ ଯାଇ ପୁଣି ନନପଡ଼ା ଗ୍ରାମ ମଧ୍ୟରେ ପଶି ସ୍କୁଲ ସାମ୍ନାକୁ ଯାଇ ଏକ ପଲସର ବାଇକ୍ ନେଇ ଯିବା ପାଇଁ ପ୍ରସ୍ତୁତ ହେଉଥିବା ବେଳେ ପିଛା କରିଥିବା ଯୁବକମାନେ ମାଡ଼ି ବସିଥିଲେ ଏବଂ ପୋଲିସ ଜିମା ଦେଇଥିଲେ।