ସୋସିଆଲ ମିଡିଆରେ ଦୁଇ ଯୁବକ ଚଳନ୍ତା କାର୍ରେ ଠିଆ ହୋଇ ମଦ ପିଉଥିବା ଦୃଶ୍ୟ ଖୁବ୍ ଭାଇରାଲ ହେବାରେ ଲାଗିଛି। ମୁମ୍ବାଇ ରାସ୍ତାରେ ୩ ଜଣ ଯୁବକ ଏକ କାର୍ରେ ଯାଉଥିଲେ। ଜଣେ ଯୁବକ କାର୍ ଚଳାଉଥିବା ବେଳେ ଆଉ ଦୁଇଜଣ କାର୍ରୁ ବାହାରି ପ୍ରାଣଘାତୀ ଷ୍ଟଣ୍ଟ୍ କରୁଥିବା ଭିଡିଓରେ ଦେଖିବାକୁ ମିଳିଛି। ଭିଡିଓ ଭାଇରାଲ ହେବା ପରେ ମୁମ୍ବାଇ ପୋଲିସ ଏହି ୩ ଯୁବକଙ୍କୁ ଗିରଫ କରିଛି। ଏହି ଘଟଣାଟି ଗତ ୨ ତାରିଖ ବିଳମ୍ବିତ ରାତିରେ ଘଟିଥିଲା।
ପରେ ଆଇପିଏସ୍ ଅଫିସର ଦୀପାଂଶୁ କାବ୍ରା ସୋସିଆଲ ମିଡିଆରେ ଭିଡିଓଟିକୁ ଶେୟାର କରିଛନ୍ତି। ଭିଡିଓରେ ଦେଖିବାକୁ ମିଳିଛି ରାସ୍ତାରେ ଖୁବ୍ ତୀବ୍ର ଗତିରେ କାର୍ଟି ଗତି କରୁଛି। ଦୁଇ ଯୁବକ କାର୍ ଡୋର ଉପରେ ବିପଜ୍ଜନକ ଅବସ୍ଥାରେ ବସି ମଦ ପିଉଛନ୍ତି। ଭିଡିଓଟିକୁ ଆଇପିଏସ୍ ଅଫିସର ଦୀପାଂଶୁ କାବ୍ରା ଶେୟାର କରି କ୍ୟାପଶନ ଲେଖିଛନ୍ତି, ମାତାପିତାମାନେ ପିଲାମାନଙ୍କୁ ସଂସ୍କାର ଦିଅନ୍ତୁ। ନଚେତ୍ ଅକାଳରେ ଜୀବନ ଚାଲିଯିବ। ଅନ୍ୟପକ୍ଷରେ ଯୁବକଙ୍କ ଏପରି ବେପରୁଆ ନୀତି ଦେଖି ସଚେତନ ନାଗରିକମାନେ ସୋସିଆଲ ମିଡିଆରେ ଭିନ୍ନ ଭିନ୍ନ ପ୍ରତିକ୍ରିୟା ରଖିଛନ୍ତି।
