![](https://www.dharitri.com/wp-content/uploads/2024/06/51-1.jpg)
ମାଲକାନଗିରି,୮ା୬(ଦୁର୍ଯ୍ୟୋଧନ ପତ୍ର): ଛତିଶଗଡର କୋଣ୍ଡାଗାଓଁ ଜିଲା ଧନୋରା ଥାନା ଅଞ୍ଚଳର ଏକ ବିବାହ ଉତ୍ସବରୁ ଫେରୁଥିବା ଜଣେ ଯୁବକଙ୍କୁ ମାଓବାଦୀମାନେ ଗୁଳିକରି ହତ୍ୟା କରିଛନ୍ତି l ସେ ହେଲେ ତିମଡି ସ୍କୁଲପାରା ବାସିନ୍ଦା ଦୀନେଶ ମାଣ୍ଡାଭି(୩୩)। ଏକ ବିବାହ ଉତ୍ସବରେ ଯୋଗଦେଇ ଦିନେଶ ଫେରିବା ସମୟରେ କିଛି ସଶସ୍ତ୍ର ମାଓବାଦୀ ଆସି ତାଙ୍କୁ ଗୁଳି କରିଥିଲେ। ଏହି ସମ୍ପର୍କରେ ସେଠାରେ ଉପସ୍ଥିତ ଥିବା ଲୋକେ ପରିବାର ଓ ପୋଲିସକୁ ସୂଚନା ଦେଇଥିଲେ l
ସମ୍ପର୍କୀୟ ଦୀନେଶଙ୍କୁ କେଶକଲ ଡାକ୍ତରଖାନାକୁ ନେଇଥିଲେ, କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ l ଦୀନେଶଙ୍କୁ କାହିଁକି ହତ୍ୟା କରାଯାଇଛି ସେନେଇ ମାଓବାଦୀଙ୍କ ପକ୍ଷରୁ କୌଣସି ସୂଚନା ଦିଆଯାଇ ନାହିଁ।